web counter
LEXO PA REKLAMA!

SHKARKO APP

E fundit!

x

Malaj-Tabakut: Gënjen me zë dhe figurë, e kam sqaruar se kush përfiton nga falja doganore apo tatimore

4 Dhjetor 2025, 13:41, Politikë CNA

Malaj-Tabakut: Gënjen me zë dhe figurë, e kam sqaruar se kush

Ministri i Financave, Petrit Malaj, ka akuzuar deputeten e PD-së, Jorida Tabakun, se po gënjen lidhur me një kërkesë për ata që përfitojnë nga shlyerja e detyrimeve tatimore apo doganore.

Ai u shpreh se kërkesa e Tabakut ka arritur në Ministrinë e Financave, vetëm para një jave, jo para një muaji, siç tha ajo. Ministri tha se e ka sqaruar edhe në Komisionet Hetimore se nga falja tatimore apo doganore janë 202 mijë përfitues.

“Nuk e kuptoj si arrini të gënjeni me zë e figurë, se keni një muaj që keni dërguar këtë, kur ka një javë që ka ardhur shkresa në Ministrinë e Financave. Informacioni që ju kërkoni nuk mund të ndahet sepse është e dhënë personale. Në lidhje me përfituesit se kush janë ata që përfitojnë nga falja doganore apo tatimore, ju kam thënë që janë 202 mijë përfitues”, tha Malaj.

Ministri iu përgjigj edhe deputetit Agron Shehaj ku i tha se nuk e ka lexuar projektligjin për ta kuptuar ashtu siç është.

“Zoti Shehaj nuk keni lexuar asnjë nga projektligjet se do ta kishit kuptuar se ato që janë në hetim, ndjekje penale, nuk përfitojnë nga fshirja e detyrimeve. Informohuni para se të vini dhe të bëni retorika boshe politike”, u shpreh ministri. /CNA





Lajmet e fundit nga