web counter
LEXO PA REKLAMA!

SHKARKO APP

App Store
Google Play

"Ministrja e Brendshme, e paaftë të mbajë përgjegjësi"/ Kapri: Situata kriminale zgjidhet duke larguar Ramën

4 Dhjetor 2025, 13:14, Politikë CNA

"Ministrja e Brendshme, e paaftë të mbajë

Deputeti i Partisë Mundësia, Erald Kapri, në seancën e sotme plenare është ndalur te ngjarjet kriminale të muajit që lamë pas.

Kapri tha se ngjarjet e nëntorit tregojnë se Shqipëria është larg të qenit vend i sigurt. Duke u ndalur tek atentati i Rinasit, ku mbeti i vrarë Gilmando Dani, Kapri tha se nuk pati asnjë përgjegjësi politike nga ministrja apo dorëheqje nga drejtori i policisë.

Deputeti deklaroi se ministrja e Brendshme është e paaftë të mbajë përjgegjësi politike dhe nuk mban dot nën kontroll drejtorin e policisë.

Kapri tha se për kriminalitetin në Shqipëri duhet një zgjidhje politike dhe zgjidhja është të ikë kryeministri Rama.

 

“Ngjarjet kriminale të këtij muaji tregojnë sa larg një vendi të sigurt jemi. Vetëm në 30 ditë kemi 4 ngjarje kriminale dhe nuk e kuptoj se si ministrja ka guximin të thotë jemi vend i sigurt. Në vendin më të ruajtur në Shqipëri, kryhet atentat mafioz. Nuk pati asnjë përgjegjësi, asnjë analizë. Refuzon drejtori i policisë të japë dorëheqjen, refuzon ministrja të japë një shpjegim. Është e paaftë të mbajë përgjegjësi politike për pozicionin që ka, sepse ka rënë siguria publike. Nuk ka ndodhur kurrë që Ministria e Brendshme të mos ketë nën kontroll drejtorin e policisë. Drejtori nuk i jep llogari askujt.

Një tjetër ngjarje e paralajmëruar, një grup adoleshentësh goditën me thika njëri-tjetrin. Është motamo si ngjarja me Martin Canin. Atëherë u morën masa, u mbyll 'TikTok'-u. Sot nuk flet më njeri për këtë gjë. Prindërit kanë frikë të çojnë fëmijët në shkolla. Mësuesit nuk mbajnë përgjegjësi, ngrenë duart.

Çështja e kriminalitetit ka arritur në një pikë, ku duhet një zgjidhje politike. Nuk është zgjidhje ndrysho ministrin. Sa kohë kemi Edi Ramën, nuk mund të ketë zgjidhje me krimin e organizuar. Sepse me ato mban pushtetin. Zgjidhja e vetme është vota që të largojmë Edi Ramën”, tha Kapri./CNA





Lajmet e fundit nga