web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e PS-së: Ministria e Shëndetësisë duhet të adresojë disa nevoja konkrete dhe të domosdoshme për familjet

4 Dhjetor 2025, 14:28, Politikë CNA

Deputetja e PS-së: Ministria e Shëndetësisë duhet të

Deputetja e PS-së, Romina Kuko, ka marrë fjalën e saj në Kuvend gjatë diskutimeve për projektligjin "Për aderimin e Republikës së Shqipërisë në Traktatin e Marrakeshit për lehtësimin e aksesit në veprat e botuara për personat e verbër, me vështirësi në shikim ose me aftësi të kufizuara në leximin e teksteve të shtypura, bërë në Marrakesh, më 27.6.2013".

Kuko, gjatë fjalës së saj, tha se Ministria e Shëndetësisë në detajimin për buxhetin e vitit të ardhshëm duhet të reflektojë edhe disa nevoja, të cilat i cilësoi si konkrete dhe të domosdoshme.

“Dua t’i drejtohem Ministrisë së Shëndetësisë dhe Mbrojtjes Sociale që në detajimin e buxhetit për vitin që vjen të reflektohen këto nevoja: transportin e fëmijëve në zona rurale, mbështetjen e familjeve, aksesueshmërinë në shkolla dhe insitucione, fuqizimin e qendrave ditore, monitorimin e fondeve sociale në bashki. Këto janë nevoja konkrete, të matshme dhe të domosdoshmne.

Sot me Traktatin e Marrakeshit hapim një derë të rëndësishme drejt aksesit në dije, për qytetarët që nuk shohin. Por hapi tjetër është po aq i rëndësishëm, të avancojmë shërbimet e mbështetjes për familjet dhe të një trajtimi të drejtë dhe dinjitoz dhe për këtë nuk mjafton të kujtohemi vetëm në 3 dhjetor”, tha Kuko. /CNA





Lajmet e fundit nga