web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi në Kuvend: Sot në vend kemi privatizimin e shtetit dhe shtetëzimin e publikut

4 Dhjetor 2025, 14:14, Politikë CNA

Bylykbashi në Kuvend: Sot në vend kemi privatizimin e shtetit dhe

Deputeti i Partisë Demokratike, Oerd Bylykbashi, është shprehur në Kuvend se sot në Shqipëri po ndodh “privatizimi i shtetit dhe shtetëzimi i publikut”.

Bylykbashi hodhi akuza ndaj mazhorancës se po qeveris me Kod Civil me kontrata. Sipas tij, kjo është një logjikë kriminale për të grabitur paratë e shtetit për ta bërë privat, dhe më pas privatin e kthejnë në shërbëtor shteti.

“Prindërit i largojnë fëmijët sepse nuk kanë punë. Por edhe kur janë në gjendje i largojnë se ky nuk është vend. Ky vend ka vend, por s'ka mundësi. Privatizimi i shtetit dhe shtetëzimi i privatit. Dëgjoni listën që kryeministri jep urdhër për t'u privatizuar:

-kontrolli bazë mjekësor

-shërbimi i dializës

-shërbimi i furnizimit të instrumenteve kirurgjikale të sterilizuara, ju tingëllojnë koncesione këto

-shërbimi kombëtar i urgjencës mjekësore

-shërbimi laboratorik spitalor

-furnizimi me oksigjen të shërbimit spitalor publik

-reforma e sigurisë ushqimore dhe kjo me koncesion

-prodhimi bujqësor

-peshkimi

-grumbullimi dhe administrimi diferencuar i mbetjeve, etj. 

Të gjitha histori inceneratorësh dhe mbetjesh, qindra miliona janë paguar deri tani. Ne kemi privatizimin e shtetit dhe shtetëzimin e publikut. Hapni dhe lexoni deri aq sa edhe raportet e ODIHR-it kanë kuptuar se po përdoret shteti dhe private për të ushtruar presion. Sot e keni kthyer qeverisjen e shqiptarëve nga detyrimi kushtetues ku jepet llogari me votë, e keni kthyer në qeverisje në Kod Civil me kontrata. Si kuptohet demokracia në këtë histori. Kjo është një logjikë kriminale, jo korruptive, për të grabitur paratë e shtetit për ta bërë privat, dhe më pas privatin në shërbëtor shteti”, tha Bylykbashi.  





Lajmet e fundit nga