web counter
LEXO PA REKLAMA!

SHKARKO APP

App Store
Google Play

"Gjuhë banale"/ Zaka-Bardhit: Nuk ju del mllefi me Qarkun e Fierit, por do ta hani turpin me bukë

4 Dhjetor 2025, 14:20, Politikë CNA

"Gjuhë banale"/ Zaka-Bardhit: Nuk ju del mllefi me Qarkun e

Deputetja socialiste, Kiduina Zaka, në fjalën e saj në Parlament ka reaguar me tone të ashpra ndaj deklaratave të Gazment Bardhit për Zegjine Çaushin.

Zaka tha se ditën e sotme Bardhit duhej t’i hiqej fjala për gjuhën banale dhe ofenduese që përdori.

Më tej, socialistja i tha opozitës se mazhoranca do të kujdeset edhe për qytetarët që votuan opozitën, pasi këta të fundit i kanë lënë në mes të rrugës.

Deputetja tha se opozitës nuk i del inati me humbjen për Qarkun e Fierit.

 

 

“Është e papranueshme mënyra se si keqpërdoret fjala në këtë Parlament, ku në fakt duhet të ishte në shërbim të qytetarëve. E kam të qartë që për opozitën nuk është shumë e rëndësishme kjo gjë se nuk kanë si të justifikojnë humbjen madhështore që morën më 11 maj. Ne deputetët e mazhorancës do të kujdesemi edhe për qytetarët që ju votuan juve se i keni lënë në mes të rrugës. Zoti Bardhi mendoj që juve ju duhej hequr e drejta e fjalës për këtë seancë për gjuhën banale dhe ofenduese që përdorët përkundrejt koleges Çaushi. E kam të qartë, nuk iu del lehtë mllefi dhe inati që keni me Qarkun e Fierit, por s’keni ç’bëni, do ta hani turpin me bukë”, tha Zaka.





Lajmet e fundit nga