web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi tregon emrat/ Kush kanë qenë dy kryetarët më të mirë të Bashkisë Tiranë

4 Nëntor 2022, 20:38, Politikë CNA
Këlliçi tregon emrat/ Kush kanë qenë dy kryetarët
Kandidati i primareve në Partinë Demokratike për Tiranën, Belind Këlliçi

Kandidati i primareve në Partinë Demokratike për Tiranën, Belind Këlliçi, është pyetur mbrëmjen e sotme se kush ka qenë kryebashkiaku më i mirë në kryeqytet.

Këlliçi tha në emisionin “Rinon” se dy kryebashkiakët më të mirë kanë qenë Albert Brojka dhe Tomorr Malasi.

I vënë para një zgjedhjeje mes Edi Ramës, Erion Veliajt dhe Lulzim Bashës, ai zgjodhi këtë të fundit.

Sipas tij, Basha është njeriu që i ka bërë më pak keq Tiranës, ndonëse theksoi se nuk mund ta cilësojë si një kryetar bashkie të mirë.

“Nuk di t’ua ndaj këtë pjesë. I fundit që më vjen në mendje është Erion Veliaj. Edi Rama nisi procesin e betonizimit të Tiranës me 11 vitet që drejtoi bashkinë. Edhe pse Basha i ka bërë shumë pak dëm Tiranës, unë prapë nuk e rendis te një ndër më të mirët. Ai ka dhënë vetëm 80 në 4 vite, ndërsa Erion Veliaj jep 100 leje në muaj.

Zoti Brojka ka drejtuar bashkinë në periudhën më të vështirë. Nuk e di nëse mund të konsideroj Tomorr Malasin si një nga titullarët e parë në vitet ’90. Do të përzgjidhja Brojkën dhe Malasin. Midis Bashës, Ramës dhe Veliajt zgjedh Bashën”, deklaroi Këlliçi./ B.A. – CNA.al





Lajmet e fundit nga