web counter
LEXO PA REKLAMA!

SHKARKO APP

App Store
Google Play

Alibeaj vijon misionin e përçarjes së PD-së/ Shumë shpejt do të deklarojmë kandidaturat tona

4 Nëntor 2022, 19:41, Politikë CNA
Alibeaj vijon misionin e përçarjes së PD-së/ Shumë
Enkelejd Alibeaj

Enkelejd Alibeaj ka vijuar me misionin e përçarjes së Partisë Demokratike, pasi grupi i tij ndërpreu bisedimet me Edi Palokën.

Pas mbledhjes së mbajtur me Kolegjin e Kryetarëve në Fier, Alibeaj tha se ka nisur punën për përzgjedhjen e kandidatëve të tij për të gjitha bashkitë dhe këshillet bashkiake.

Sipas tij, në PD janë depozituar prej kohësh një numër i madh kandidaturash.

 “Sot mbledhja me Kolegjin e kryetarëve të PD së bashku me kryesinë e PD ishin 2 qëllime, informimi për të gjitha zhvillimet e fundit që ishte dhe synimi ynë për daljen tonë me një kandidat të përbashkët dhe marrja e qëndrimit që morëm ishte e udhës sot që jo vetëm të informonim por edhe fillimi i menjëhershëm i procesit të riorganizimit të të gjitha degëve të PD-së në funksion të rifreskimit dhe ripërtëritjes dhe identifikimit qoftë për kandidatura për kryetarë bashkie apo këshille bashkiake. Ju informoj se në PD janë depozituar prej kohësh një numër i madh kandidaturash sipas statutit të PD, shumë shpejt do deklarojmë edhe kandidaturat për të gjitha bashkitë që do jenë të gatshëm për të garuar në zgjedhjet e 14 majit.

Ne kemi zhvilluar mbledhje në selinë e PD-së në Durrës, në Tiranë e zhvillojmë sot në Fier, mbledhja tjetër do jetë në Lezhë për të treguar se ne jemi në paradhomë të fushatës zgjedhore dhe është e udhës që demokratët duhet të dalin në terren, është edhe taktikë për të pasur kontakte më intensive me demokratët kudo ku janë. Në të gjithë këtë lëvizjen tonë nuk duam e nuk e kemi bërë lëshimin e sinjaleve provokative, beteja jonë është me regjimin, aleatët tanë janë qytetarët”, theksoi ai./ B.A. – CNA.al





Lajmet e fundit nga