LEXO PA REKLAMA!

SHKARKO APP

Meta i skandaleve flet për skandale/ Akuza Qeverisë për vjedhje dhe grabitje

4 Nëntor 2022, 18:11, Politikë CNA
Meta i skandaleve flet për skandale/ Akuza Qeverisë për vjedhje
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, i përfolur dhe akuzuar për disa skandale, siç janë vjedhja e floririt dhe blloku i 7%-shit, ka drejtuar gishtin nga Qeveria për skandale.

Meta tha se Qeveria është një mafie në pushtet që ka moto vjedhjen, grabitjen dhe krimin.

“Është thjesht mafie në pushtet, që ka si moto të qeverisjes vjedhjen dhe grabitjen e fondeve publike, korrupsionin, pastrimin e parave, mbështetjen e trafiqeve të të gjitha llojeve dhe shkatërrimin e shtetit të së drejtës”, u shpreh ai.

Kreu i PL-së ngriti akuzat se në vendin tonë ka klimë represioni ndaj medias kur ata pasqyrojnë me objektivitet skandalet dhe korrupsionin e qeverisë.

“Ndërkohë që kemi këtë klimë represioni ndaj biznesit kemi dhe një klimë represioni ndaj medias sidomos kur ata pasqyrojnë me objektivitet skandalet e qeverisë dhe korrupsionin e saj.

Ndaj është momenti që të gjithë qytetarët të gjithë bizneset e ndershme që ndihen të kërcënuar të rrezikuar nga ky sulm arbitrar dhe nga kjo politikë shantazhuese e kësaj bande në pushtet është koha që të gjithë reagojnë duke nisur me manifestimin e madh të 12 nëntorit dhe në vazhdimësi. Sepse ka vetëm një rrugë që të mos largohen më të rinjtë e Shqipërisë me gomone duke rrezikuar jetën, që është largimi një herë e përgjithmonë i Edi Ramës dhe i bandës së rilindjes nga pushteti”, theksoi Meta./ B.A. – CNA.al

Lajmet e fundit nga