web counter
LEXO PA REKLAMA!

SHKARKO APP

App Store
Google Play

E fundit!

x

Bonusi i fundvitit për pensionistët/ Sherefedin Shehu reagon ashpër ndaj Ramës

4 Nëntor 2022, 17:54, Politikë CNA
Bonusi i fundvitit për pensionistët/ Sherefedin Shehu reagon
Ish-zëvendësministri i Financave, Sherefedin Shehu

Ish-zëvendësministri i Financave, Sherefedin Shehu, ka reaguar ashpër në lidhje me deklaratën e bërë sot nga kryeministri Edi Rama, i cili tha bonusi i fundvitit për pensionistët do të jetë 50 mijë lekë të vjetra dhe do të shpërndahet në fillim të muajit dhjetor.

Me anë të një statusi në rrjetet sociale, Shehu thotë se Rama po i dënon pensionistët të hanë vetëm një gjysmë gjeli në vit.

Sipas tij, kreu i qeverisë ka 10 vjet që tallet me pensionistët.

“Rama i dënon pensionistët të hanë vetëm një gjysmë gjeli në vit.

Pensionistët janë shtresa me të ardhurat më të ulëta, por edhe më e keqpërdorura nga z. Rama. Me idealizmin e tyre “ndërtuan socializmin” që ju dha vetëm varfëri dhe të gjithë pensionistët që punuan në atë periudhë janë më pak të paguar. Dhe z. Rama ka 10 vjet që tallet me ta. Nuk ka ngritur asnjë lek pensionet dhe ju ka rritur faturat. Edhe sot z. Rama zgjodhi Tropojën për talljen e radhës ku njoftoi se pensionistët do të marrin një gjysmë gjeli në dhjetor. Për z. Rama pensionistët duhen vetëm për vota dhe është shtresa që e përballon më së miri varfërinë.

Prandaj edhe në buxhetin 2023 nuk ka vënë asnjë lek për rritjen e pensioneve, por vetëm për gjysmë gjelin pas një viti. Pra i bie që kur çmimet e ushqimeve bazë janë rritur 20-50% pensionistët të shtrëngojnë rrypin, të votojnë PS-në dhe të presin fundin e 2023 që të mund të hanë një gjysma-gjeli. O nëna dhe baballarë, vëllezër dhe motra, djem dhe vajza! Duajeni  atdheun, familjen dhe veten më shumë se partinë”, thekson ish-zv.ministri./ B.A. – CNA.al





Lajmet e fundit nga