web counter
LEXO PA REKLAMA!

SHKARKO APP

App Store
Google Play

Meta, në delir/ Akoma ëndërron për fitore

3 Nëntor 2022, 19:23, Politikë CNA
Meta, në delir/ Akoma ëndërron për fitore
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka përsëritur vetveten në mbledhjen e kryesisë së re që është duke mbajtur në seli.

Gjatë fjalës së tij, Meta foli sërish për ëndrrat e tij për një fitore në zgjedhjet vendore të 14 majit.

“Është një ekip që i ka të gjitha kapacitetet intelektuale, njerëzore, por edhe eksperiencat e duhura politike organizative për të udhëhequr një aksion shumë të suksesshëm që jam i bindur që do të kulmojë me një sukses të PL në 14 maj, por edhe të opozitës. Forcimi i opozitarizmit është kryefjala e veprimit tonë, sepse kjo do të thotë rivendosje e pluralizmit, e demokracisë, e shtetit të së drejtës.

Forcimi i opozitarizimit dhe triumfi i tij në zgjedhjet e ardhshme do të thotë mbrojte e të drejtave të qytetarëve që janë ndjerë të nëpërkëmbur gjatë këtyre viteve, sidomos gjatë këtyre 4 viteve të një pushteti tërësisht monist.

Edhe njëherë ju falënderoj shumë për angazhimin e deritanishëm dhe për bashkëpunimin. PL do të jetë partia e guximit qytetar dhe do të jetë pranë tyre dhe së bashku me ta në atë objektiv madhor që ne e kemi përcaktuar, që Shqipëria tu përkasë të rinjve. Që vendi ynë të ndahet me dramën e shpopullimit dhe të rinjtë tanë të fillojnë të besojnë, të punojnë për Shqipërinë e tyre dhe për Shqipërinë e të rinjve”, theksoi kreu i PL-së.

Ndërkohë, pritet që sot të shpallen rezultatet e zgjedhjeve farsë të PL-së për kryesinë e re, Zëvendëskryetarin, Sekretarin e Përgjithshëm dhe nënkryetarët./ B.A. – CNA.al





Lajmet e fundit nga