web counter
LEXO PA REKLAMA!

SHKARKO APP

App Store
Google Play

Meta flet si zot i protestës së pedagogëve

2 Nëntor 2022, 17:42, Politikë CNA
Meta flet si zot i protestës së pedagogëve
Kreu i Partisë së Lirisë, Ilir Meta

Kreu i Partisë së Lirisë, Ilir Meta, për të cilin CNA.al ka raportuar jo pak herë se po tenton të vjedhë protestën e pedagogëve, sot ka folur si zot i saj.

Gjatë fjalës në mbledhjen e Komitetit Drejtues Kombëtar, Meta hodhi akuza ndaj Qeverisë se nuk po dëgjon zërin e pedagogëve.

Gjithashtu, ai tha se pedagogët, studentët dhe arsimtarët do të jenë flakëndezëzit e parë të frymës për liri dhe dinjitet.

“Shqipëria është e fundit për çdo tregues të mirë në rajon dhe e para për çdo tregues negativ që tregon prapambetjen, korrupsionin e një qeverie dhe fakti që pedagogët tanë ende pas kaq javësh vazhdojnë denigrohen në mënyrë të ulët për kërkesa ordinere, që duhet të ishin plotësuar prej kohësh, tregon se nuk kemi të bëjmë me mungesë mundësish, por me një politikë të vetëdijshme për të nënvlerësuar pedagogët, intelektualët, çdo mendim kritik dhe përparimtar të shoqërisë, në mënyrë që të gjithë të jetojnë me frikë nga pushteti dhe nga projektet e tij për të intimiduar çdo njeri që ka mendim kundër. Arsimi është sektor që Rilindja ka zgjedhur për ta poshtëruar, patronazhuar. Jemi të sigurt se kjo politikë do të dështojë dhe se pedagogët, studentët, arsimtarët, prindërit e tyre do të jenë flakëndezëzit e parë të frymës për liri dhe dinjitet dhe për një Shqipëri si Europa. Në 2 vite pagat e tyre të jenë sa janë sot në Kosovë”, theksoi Meta./ B.A. - CNA.al





Lajmet e fundit nga