web counter
LEXO PA REKLAMA!

SHKARKO APP

App Store
Google Play

E fundit!

x

Berisha zbulon takimin me Alibeajn/ Ndërmjetës u bë një biznesmen

1 Nëntor 2022, 21:32, Politikë CNA
Berisha zbulon takimin me Alibeajn/ Ndërmjetës u bë një
Fotomontazh

Edi Paloka, i mandatuari i Partisë Demokratike për të hyrë në negociata me grupin e Enkelejd Alibeajt, zbuloi mbrëmjen e sotkme se bisedimet nuk kanë nisur me Gazment Bardhin.

Për këtë ka folur mbrëmjen e sotme edhe kryetari i PD-së, Sali Berisha, i cili tha se Enkelejd Alibeaj dhe Helidon Bushati e kanë takuar me ndërhyrjen e një biznesmeni, emrin e të cilit nuk preferoi të tregojë.

“Të jem i sinqertë, secili nga ata deputetë e ka derën e hapur të Sali Berishës. Përderisa ne e kemi hequr nenin e përjashtimin, dhe anëtarë të grupit të PD, kanë të drejtën e fraksionit. Kur kam hyrë në atë seli ka qenë Alibeaj dhe Bardhi. Shumë normale. Sa i përket takimit nuk përbën lajm. Se do i pres edhe nesër po të më vijnë në zyrë. U takon ti pres dhe ti përcjellë. Janë bërë bisedime dhe normalisht që do zhvilloheshin bisedime. Me cilin do eksponent që shton probleme pa diskutim do diskutohet.

Nuk kam kërkuar ndërmjetësime. Biznesmeni nuk them që nuk më ka takuar. Por nuk e di pse dhe si. Por ju them se dera ime është e hapur. Përderisa ata janë deputetë”, u shpreh ai.

Gjithashtu, kreu i demokratëve theksoi se nuk është nevoja që Alibeaj të fusë persona të tjerë për ndërmjetësim.

“Alibeaj nuk ka nevojë të kërkojë ndërmjetësimin e askujt. Pavarësisht se kemi diferenca në qëndrime. Përderisa statuti nuk i përjashton dhe nuk i ngrin. Unë i kam hequr përjashtimet. Ka plot parti që i ka përjashtimet. Por i kam hequr për kushtet që ndodhet PD, për këtë kontekst”, nënvizoi Berisha./ B.A. – CNA.al





Lajmet e fundit nga