web counter
LEXO PA REKLAMA!

SHKARKO APP

App Store
Google Play

Rritja e pagave/ Zbardhen propozimet e Dashamir Shehit për qeverinë

1 Nëntor 2022, 12:35, Politikë CNA

Rritja e pagave/ Zbardhen propozimet e Dashamir Shehit për qeverinë

Deputeti i Partisë Lëvizja për Zhvillim Kombëtar, ka deklaruar sot në Komisionin e Ekonomisë, se qeveria duhet të bëjë një rritje masive të rrogave, në mënyrë që të përballohen kostot e jetesës më të cilat po përballen qytetarët.

Sipas tij “arnimet” me rrogat e pedagogëve, apo indeksimi i rrogave të pensionistëve nuk e ndihmon situatën.

Shehi shprehet se duhet të luftohet evazioni fiskal, si dhe nuk është nevoja të paguhen 12 mijë policë për një popullsi që po tkurret dita-ditës.

“Vit për vit përsëritet buxheti, për efekt të çmimeve. Ne duhet të atakojmë dy probleme madhore, varfëria dhe emigracioni dhe ky buxhet nuk është se ndikon shumë. Unë gjykoj që ne si komision ekonomie, të marrim parasysh disa plane afatgjata ku duhet të shkojmë, pastaj qeveria nëse do i merr parasysh ose jo. Duhet rritje rrogash masive. Gjithë ky arnim nuk vlen. Dëgjova dje ca rritje për pedagogët. Rektorati paska ca para në një qoshe dhe këta u thonë rrisni rrogat 15%. Hajde bllokojmë një pjesë të evazionit, dhe pjesa tjetër siç bëhet në çdo shoqëri, që merr përsipër të bëjë reformat e mëdha, s'po mbajmë 84 mijë veta, nuk kemi pse mbajmë 12 mijë policë për një popullatë që po shkon 2 milionë banorë.”- u shpreh Shehi./CNA.al





Lajmet e fundit nga