LEXO PA REKLAMA!

SHKARKO APP

Berisha paralajmëron Ballën/ 12 nëntori po vjen, vrimë miu nuk do të gjesh

31 Tetor 2022, 20:21, Politikë CNA

Berisha paralajmëron Ballën/ 12 nëntori po vjen, vrimë miu

Kryetari i Partisë Demokratike, Sali Berisha ka bërë një paralajmërim për Qeverinë në Parlament.

Berisha tha se në 12 nëntor, kur do të zhvillohet protesta kombëtare e PD-së, shqiptarët do t’i bëjnë gjyqin popullor Qeverisë.

Duke iu drejtuar kreut të Grupit Parlamentar të PS-së, Taulant Ballës, kreu i PD-së tha se nuk do të gjejë vrimë miu atë ditë.

“Për çfarë të diskutojmë këtu. Nuk mund të diskutojmë këtu, pasi kemi të bëjmë me një grup njerëzish, të cilëve vjedhja e pasurive publike të shqiptarëve ua ka verbuar sytë, ua ka mbyllë veshët, nuk dëgjojnë asgjë. Deri kur kështu.

12-a po vjen. 12 nëntori është gjyqi i madh që shqiptarët do t'u bëjnë ju. Boll u tallët me shqiptarët, boll i shkelmuat ata duke i vjedhur, boll i përzutë ata nga vatrat e tyre. Mjaft është mjaft.

12 është dita e gjyqit popullor ndaj jush. Po, po. Mblidh të gjithë Gentian Sharrat e veten tënde, vrimë miu nuk do të gjesh atë ditë, ja këtu po ta them. Vrimë miu nuk do të gjesh. Dil po deshe në ta mbajtë. Edhe ne do të të gjejmë ty, edhe zyrën do të tregojmë.

Nuk ka parlament si ky, nuk ka. Ke këtu një grup superhajnash dhe një turmë që u bën tualet këtyre. Si mund të rrini ju me këta. Apo rrini që të përfitoni dhe ju”, u shpreh ai.

Gjithashtu, Berisha bëri edhe një thirrje për shqiptarët që të bashkohen me opozitën në protestë.

“Qytetarë, këta nuk kanë ndërmend për reformë për ju. Këta shikojnë vetëm si të ju vjedhin ju. Ne vërtetë kemi përgatitur një projekt-reformë me 97 bashki, por ne kemi thënë që në fillim, që këta nuk kanë reformë. Këta dinë dhe mendojnë vetëm si të mbajnë karrigen e tyre, derisa të ua përmbysim karrigen, ti përmbysim me të gjitha.

Qytetarë, 12 nëntori është dita juaj, dita e të vërtetës shqiptare dhe ndaj ju ftoj kudo që jeni, brenda dhe jashtë Shqipërisë, të bashkohemi për të përzënë këtë bandë nga pushteti”, theksoi lideri i demokratëve./ B.A. – CNA.al

Lajmet e fundit nga