web counter
LEXO PA REKLAMA!

SHKARKO APP

App Store
Google Play

E fundit!

x

Udhëtimet me çarter/ PD kërkon ngritjen e një komisioni hetimor për Ramën

31 Tetor 2022, 14:45, Politikë CNA

Udhëtimet me çarter/ PD kërkon ngritjen e një komisioni

Grupi parlamentar i Partisë Demokratike ka vendosur të kërkojë ngritjen e një komisioni hetimor parlamentar për shpenzimet e shfrenuara të Kryeministrit Edi Rama me avionët Charter.

“Edi Rama ka fluturuar 137 herë duke djegur në ajër 22 milionë euro të shqiptarëve. Grupi parlamentar do të dorëzojë menjëherë kërkesën për ngritjen e Komisionit Hetimor”, ka thënë nënkryetari i PD-së, Luçiano Boçi.

Më tej, Boçi është ndalur te rasti i Lear Kurtit, duke e cilësuar si vrasje.

“Vrasja shtetërore e Lear Kurtit nga policia e Ramës në vazhdën e vrasjeve të tjera si dhe përpjekja e policisë për të fshehur ngjarjen dëshmojnë saktë se kush është kundër qytetarit, jetës së tij, sigurisë së tij dhe mirëqenies së tij. Dhe se kush është pranë tij dhe interesit të tij. Ndërkohë, përsëri mbrëmë krimi ka treguar fuqinë e tij përballë një pushteti të gjunjëzuar dhe atrofizuar dhe një qeverisjeje të korruptuar dhe të inkriminuar”, ka thënë Boçi.

Një tjetër situatë që Boçi ka nënvizuar ka qenë protesta e pedagogëve.

Sipas tij, në vend që të zgjedhë dialogun me pedagogët, Rama ka vazhduar me kërcënimet, shantazhimet e tij.

“PD vazhdon të jetë në mbështetje të protestës, grevës së pedagogëve dhe do qëndrojnë pranë tyre deri në finalizimin e kërkesave të tyre që nuk janë thjesht financiare, por janë për dinjitet dhe për një universitet publik me kërkim shkencor dhe punë të mirë akademike.

Ndërsa shqiptarëve Rama u kërkon të ngrohen në diell për të kursyer energjinë, ju tund atyre në formë kërcënimi tmerret e krizës dhe të luftës. I lë në det të hapur, në fatin e gomoneve dhe vet nuk ndalet në luksin e shfrenuar. Sipas të dhënave të TIMS, Rama ka fluturuar plot 137 herë duke djegur në ajër 22 milionë euro të shqiptarëve.

Për këtë arsye, grupi ynë parlamentar do të dorëzojë menjëherë kërkesën për ngritjen e Komisionit Hetimor për këtë çështje për zbardhjen e kësaj afere korruptive për të zbuluar para shqiptarëve fytyrën e vërtetë të korruptuar të regjimit. Me këtë kërkesë do të kërkoj mbështetjen jo vetëm të deputetëve që janë këtu, por të të gjithë deputetëve. Dhe çdo tentativë për ta penguar këtë komision do të konsiderohet si tentativë për të fshehur të vërtetën para shqiptarëve”, është shprehur Boçi./CNA.al





Lajmet e fundit nga