E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Deputeti i grupit të Alibeajt krah Këlliçit/ "Mbështesim kandidaturën për Tiranën"

29 Tetor 2022, 18:28, Politikë CNA

Deputeti i grupit të Alibeajt krah Këlliçit/

Deputeti i grupit të Alibeajt, Dashnor Sula ka deklaruar se do të mbështesë kandidaturën e Belind Këlliçit në Tiranë, për zgjedhjet lokale të vitit 2023.

Sa i takon marrëveshjes Berisha-Meta, Sula u shpreh se PL ka vetëm 5.1% të votave në zgjedhjet 2021, duke mos dakortësuar plotësisht me marrëveshjen e tyre.

Pjesë nga diskutimi:

Sula: Nëse është kjo që zoti Meta dhe Berisha janë bashkë se duhet të jenë bashkë, ose kanë qenë gjithmonë bashkë, kjo nuk i shërben gjësë në tërësi. Këtë moment historik duhet ta bëjnë edhe persona të tjerë. Partia e Lirisë është me 5.1% të numrit të votave total në zgjedhjet e 2021. Nëse Berisha e quan të plotësuar mozaikun e tij me këto vota, nuk janë bërë mirë llogaritë. Nëse Berishës i duhet dhe ai 30% i 6 marsit, por i duhen dhe ato vagonat e vegjël…nuk po e zhvlerësoj. Unë jam dhe për 0.001%.

Nesho: Këtu kemi të bëjmë me diçka më të rëndësishme se sa zgjedhje normale dhe çështje pushteti. Kjo betejë i lidh të gjithë ata që shikojnë interesin e vendit. LSI ka qenë faktori kryesor në shumicën e zgjedhjeve lokale dhe vendore gjatë viteve.

Sula: Deri më 6 nëntor janë duke u diskutuar kandidatët, për të pasur një të përbashkët.

Nesho: Pse nuk i bashkoheni Partisë Demokratike reale?

Sula: Liz Truss nuk pati Grup Parlamentar dhe dha dorëheqjen për 45 ditë. Kurse këtu e injorojnë Grupin Parlamentar.

Nesho: Deputetët në Shqipëri duhet të jenë më konkretë.

Sula: Unë jam i bindur që e djathta dhe PD-ja ka ardhur në pushtet në sajë të figurave dhe jo të siglës. Nuk po themi të bashkohemi, në këto momente i rëndësishëm është bashkëpunimi. Çështja e bashkimit është tjetër gjë.

Kikia: Grupimi i Berishës e tregoi që është mazhorancë. Ato aktivitete që u realizuan nga Foltorja treguan se nga është mazhornca. Por PD e dëmton edhe sikur të ikin 10 vota. Çfarë i mban ende të ndara këto 2 fraksione? Çfarë duhet që të bashkëpunoni?

Sula: Ne nuk e kundërshtojmë marrëveshjen Berisha-Meta. Nëse Berishës i vlejnë më shumë 5.1% të votave të tyre…

Kikia: A do e mbështesni Këlliçin?

Sula: Padiskutim./CNA.al