web counter
LEXO PA REKLAMA!

SHKARKO APP

App Store
Google Play

Paloka "bekon" marrëveshjen PD-PL/ Harron "tradhëtitë" e Metës ndaj Berishës

29 Tetor 2022, 18:02, Politikë CNA

Paloka "bekon" marrëveshjen PD-PL/ Harron

Edi Paloka ka deklaruar se Partia Demoraktike fiton zgjedhjet sa herë bashkëpunon me Metën.

Me sa duket deputeti i PD, ka fshirë nga memoria “tradhëtitë” e kreut të PL.

Në 2009-ën, dhe në 2011-ën Meta fitoi pushtet përmes “bërrylave”, por nuk u mjaftua me kaq. Ishte ai që solli Ramën në pushtet në 2013-ën, e më pas në 2015-ën mori bashki apo i shkaktoi PD-së humbje në shumë bashki.

Së fundmi Berisha dhe Meta nënshkruan marrëveshjet për kolacionin e zgjedhjeve të 14 majit.

Sipas Palokës ky do të jetë koalicioni i fitores.

“Kemi qenë në aleancë me LSI edhe në zgjedhjet e fundit por marrëveshje të nënshkruar dhe bashkëpunimi Meta-Berisha, sa herë kanë bashkëpunuar e kanë çuar koalicionin në fitore. Ky është qëllimi i marrëveshjes. Pjesa më e madhe e shohin si rrezik këtë marrëveshje e ka pakënaqësi edhe brenda pjesës tjetër të deputetëve të PD. Duket absurde që deputetë të PD nuk duan fitoren e PD.

Ka një qëllim kryesor marrëveshja, përmbysja e një regjimi që tashmë sundon mbi gjithçka Rama e Veliaj në anën tjetër si figurë politike e renditur e dyta në PS, kanë praktikisht në dorë të gjithë pushtetet. reagimi popullor ndaj tyre, janë figurat më negative e të pa pëlqyera në opinionin publik. Në pamje të parë duket se përballja do të jetë e lehtë sepse janë figura që urrehen, por nuk është e lehtë sa duket.

Është i nevojshëm bashkëpunimi me partitë dhe individët opozitarë”. i pyetur për simbolikën me dy gishtat lart, gjest të cilin së fundmi po e përdor edhe Ilir Meta, Paloka tha se mendon që lkjo nuk sdimbolizon gjë tjetër veç simbolikës së saj fillestare, pra fitores.

Simbol i fitores. Çërçilli është i pari që i përdori me këtë simbol. Që kur e bëmë si simbolin tonë, kjo ka qenë simbolika. Fakti që i përdor edhe Meta tregon se dëshiron të tregojë lidhje të fortë”, tha ai./CNA.al





Lajmet e fundit nga