web counter
LEXO PA REKLAMA!

SHKARKO APP

App Store
Google Play

Berisha: Çdo deputet dhe anëtar i PD-së të jetë në protestën e 12 nëntorit/ Thirrje Ramës për dorëheqje

28 Tetor 2022, 12:41, Politikë CNA

Berisha: Çdo deputet dhe anëtar i PD-së të jetë

Kreu i PD-së, Sali Berisha, ka kërkuar dorëheqjen e kryeministrit Edi Rama, në të kundërt sipas tij do të përballet me protesta, të cilat do të nisin më 12 nëntor.

Ndër të tjera, Berisha ka ftuar çdo deputet, çdo anëtar dhe simpatizant të PD-së për të marrë pjesë në protestën e 12 nëntorit.

“Çdo deputet, çdo anëtar dhe simpatizant i PD-së është i ftuar- dhe në vlerësimin tim- i detyruar të marrë pjesë në protestën antiqeveritare, antiregjim absolutar të datës 12 nëntor.

I detyruar moralisht.

Ju e shihni rrokullimën e madhe, ju e patë se Shqipëria ka zbritur poshtë Vietnamit sa i përket shtetit ligjor. Vietnami është një shtet që drejtohet nga një parti komuniste, e megjithatë shteti ligjor është më i respektueshëm se në Shqipëri. Çka do të thotë se Vietnami ka një drejtësi më funksionale se drejtësia e kapur nga politika dhe korrupsioni në Shqipëri.

Si Vietnami dhe Shqipëria janë vende monopartiake, por i vetmi shkak pse Vietnami është para nesh, se Vietnami nuk pretendon që partia komuniste nuk kontrollon drejtësinë, por Edi Rama ushtron një kontroll të pamëshirshëm mbi drejtësinë.

Ju e patë, Eurobarometri i fundit, qytetarët shqiptarë hidhnin në kosh reformën sorosiane, e cila shndërroi drejtësinë shqiptare në degë të ekzekutivit”, ka thënë Berisha./CNA.al





Lajmet e fundit nga