web counter
LEXO PA REKLAMA!

SHKARKO APP

App Store
Google Play

Hetimet e SPAK-ut/ Meta bën si i fortë: Nuk kam frikë as nga vendimi i Zotit

27 Tetor 2022, 23:00, Politikë CNA
Hetimet e SPAK-ut/ Meta bën si i fortë: Nuk kam frikë as nga
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka bërë si i fortë, teksa është pyetur për hetimet që ka nisur SPAK-u pas padive të ngritura ndaj tij dhe bashkëshortes së tij, Monika Kryemadhit.

Meta tha në emisionin “Opinion” se akuzat ndaj tij shpikje, mashtrime dhe trillime.

I pyetur nëse nga frikë nga vendimi i SPAK-ut, ai deklaroi se nuk ka frikë as nga vendimi i Zotit.

Pjesë nga biseda:

Ilir Meta: Zoti Fevziu këto janë të gjitha shpikje, janë mashtrime, janë trillime.

Blendi Fevziu: Keni frikë nga një vendim i SPAK-ut?

Ilir Meta: Nuk kam frikë as nga vendimi i Zotit sepse edhe ai po mori vendim është çështje e tij, jo më nga këto instrumente që po i përdorin dhe po i keqpërdor Edi Rama në mënyrë ordinere…

Blendi Fevziu: Cilat instrumente. Ju keni shkuar vetë në SPAK. Pse kur bëjnë hetime ndaj jush keqpërdoren dhe kur bëjnë hetime ndaj Ramës dhe njerëzve të tij, kryejnë detyrën.

Ilir Meta: Unë çoj kallëzimin për Autoritetin në SPAK dhe prokurori. Prokuroria nuk bën asnjë veprim hetimor dhe as nuk e regjistron çështjen, ndërkohë që ne japim ngjarjet, faktet, dokumentet dhe si duhet proceduar për një çështje që është skandaloze sepse ka të bëjë me Kuvendin, ka të bëjë me kryetarin e një partie në opozitë, ish-president, pra ka një interes. Por as kallëzuesin nuk e thërret për të sjellë të dhëna të tjera shtesë. Kjo është drejtësia e Edi Ramës.

Blendi Fevziu: A keni paguar për një foto të parealizuar me presidentin Trump?

Ilir Meta: Kurrë!/ B.A. – CNA.al





Lajmet e fundit nga