web counter
LEXO PA REKLAMA!

SHKARKO APP

App Store
Google Play

“Nuk arrihet hapja me një vit”/ Topalli: Lërini më shumë kohë PD-së

27 Tetor 2022, 22:36, Politikë CNA
“Nuk arrihet hapja me një vit”/ Topalli: Lërini më
Anëtarja e Kryesisë së Partisë Demokratike, Jozefina Topalli

Anëtarja e Kryesisë së Partisë Demokratike, Jozefina Topalli, e cila ka qëndruar paksa e tërhequr nga mediat, tregoi mbrëmjen e sotme se ka zgjedhur që të merret me organizimin e PD-së, por jashtë kamerave.

Topalli tha në emisionin “Të Paekspozuarit” se hapja e së djathtës nuk ka përfunduar. Ajo kërkoi që t’i jepet më shumë kohë PD-së për këtë proces, pasi theksoi se rezultatet nuk mund të dalin vetëm me një vit.

“Hapja e partisë është proces. Ju doni opozitë të fuqishme, me figura të reja, me autoritete morale. Është e natyrshme. Mendon se kjo arrihet për një vit? Lëri kohën e duhur. Janë tre fushë beteja. Struktura, protestat, primaret.

Më erdhi në zyrë kur isha Kryetare Kuvendi, kryetarja e Dhomës së Lordëve. Unë po i flisja për demokracinë shqiptare. Ajo kishte filluar jetën politike 20 vjeç. Pas më dëgjoi me respekt, më tha kemi 1 mijë vjet demokraci. Në këto 1 mijë vjet, sa koka mbretërish janë prerë? Ne pretendojmë që për 30 vjet të bëjmë gjithçka. Po përpiqemi të rekuperojmë”, theksoi anëtarja e kryesisë së PD-së./ B.A. – CNA.al





Lajmet e fundit nga