web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj zbuloi udhëtimet miliona euro të Ramës?/ Berisha hedh dyshime të forta

28 Tetor 2022, 12:36, Politikë CNA

Erion Veliaj zbuloi udhëtimet miliona euro të Ramës?/ Berisha

Kreu i PD-së, Sali Berisha, ka ngritur dyshime se udhëtimet e Ramës nga TIMS, publike i ka bërë Erion Veliaj, kryebashkiaku i Tiranës.

Sipas Berishës, ky superskandal tregon më së miri psikologjinë antiqytetare të Ramës.

“Nuk mund të mashtrojë, nuk mund të gënjejë, të gjitha këto janë të nxjerra nga TIMS-i.

Ia nxori Homeland apo Erion Veliaj, ky është problem tjetër, nuk ka rëndësi për mua. Rëndësi ka që është dokumenti i abuzimit më të madh pas djegësave të këtij njeriu në detyrë.

Nuk ka skandal më të madh. Ky superskandal tregon më së miri psikologjinë antiqytetare të këtij njeriu.

Kur pashë këtë listë, m’u rikujtua parlamenti i vitit 1991. Në atë parlament, një deputet i PPSH-së u shpreh: kam qenë i verbuar nga këta njerëz. Nuk kam besuar kurrë se familja Hoxha mund të kishte një dynym qilima, që familja tjetër mund të kishte pishinë. Por u garantoj se ata së bashku, nuk bënin më shumë se 7-8 milionë.

Kurse ky vetëm udhëtime ka shpenzuar të paktën 22 milionë euro, sipas të dhënave të fundit të fluturimeve.

Qytetarët do flasin, ndaj e ftoj të japë dorëheqje dhe të mos presë protestë.

Avion në dispozicion kanë emirë dhe sheikë, por zor të gjendet një prej tyre që ka fluturuar 137 herë me avion në dispozicion. Askush. Këtu është përdorur avioni për wikende, për qoka. Këtu është përdorur avioni në mënyrën më abuzive.

Edi Rama duhet të japë dorëheqje dhe të mos presë ta heqin qytetarët e zemëruar shqiptarë”, është shprehur Berisha.

Më tej kreu i PD-së, për të përfocuar dyshimet se Veliaj fshihet pas publikimit të TIMS me udhëtimet e Ramës, ka thënë se Erion Veliaj ka udhëtuar në mënyrë frekuente në Iran.

“Udhëtimet e Erion Veliajt në Iran gjatë kohës që kam qenë kryeministër, kanë qenë frekuente sipas agjencive partnere.

Se cila është lidhja e tij me Teheranin, nuk kam arritur ta zbuloj.

Di që edhe Edi Rama ka bërë udhëtim, por në atë rast ka qenë një mbledhje e Internacionales Socialiste.

Se çfarë dimensioni kanë lidhjet e Erion Veliajt dhe a janë biznesi, lidhje biznesi, apo lidhje të tjera, këtë nuk e di.

Di që ai bënte udhëtime. Ishte politikani i vetëm shqiptar që bënte udhëtime frekuente në Teheran”, është shprehur Berisha./CNA.al





Lajmet e fundit nga