web counter
LEXO PA REKLAMA!

SHKARKO APP

App Store
Google Play

E fundit!

x

“Ata që shajnë kullat, aty kanë shtëpitë dhe zyrat”/ Veliaj shënjestron opozitën

30 Tetor 2022, 12:32, Politikë CNA

“Ata që shajnë kullat, aty kanë shtëpitë dhe

Në forumin Designing Together  “Projektojmë së Bashku”, Veliaj ka shënjestruar opozitën, duke iu referuar si sharës të kullave.

“Thonë se të gjithë këta që ndërtojnë janë mafiozë me para të pista. Por, arkitektët kanë emër. Disa prej tyre janë këtu, me fytyrën e tyre, janë fizikisht në Tiranë. Nuk më rezulton që ndonjëri prej tyre të jetë mafioz, i përndjekur apo në gjykatë në vendet e tyre. Secila prej kompanive që ndërton ka vendosur një tabelë, ku emrat janë publikë, njerëz që njihen. Por, nëse në një raport që flet për këto ndërtime, citohet një ekspert anonim i pastrimit të parave, kjo nuk shkon! Të shkosh e të shërbesh për të sharë vendin tënd dhe për të krijuar një histeri aty nuk ka, pa e kuptuar se kjo industri e shpëtoi Shqipërinë gjatë pandemisë, nuk bën”, është shprehur Veliaj.

Ky i fundit ka sugjeruar që nëse dimë dikë që pastron para, duhet ta denoncojmë tani, me emër dhe mbiemër, jo me anonim dhe jo sa për të marrë një kontratë konsulence dhe për të sharë vendin tonë.

“Nuk ka vend në botë që e luan këtë sport kaq agresivisht, sa e luajmë ne. Shaj dhe shpif. Unë e kuptoj se po afron fushata, ndaj do dëgjojmë lloj-lloj çudirash. Edhe ata që shajnë jetojnë në kulla. Zyrën e tyre e kanë në një kullë dhe kulla e tyre është OK, por kulla e tjetrit është pastrim parash, është punë mafiozësh”, është shprehur më tej Veliaj.

Veliaj ka kërkuar që ndërtimet në Tiranë të mos përdoren për fushatë.

“Mos të fillojmë një histeri kolektive për ndërtimet në Tiranë, pasi e dimë fare mirë se në vitet kur Bashkia e Tiranës ishte e paaftë për të dhënë leje ndërtimi, e pamë se çfarë prodhoi. Njerëzit do të vinin në Tiranë me çdo kusht, por nëse bashkia nuk mban hapin e demografisë, atëherë sigurisht ata do të mbajnë hapin e ambicieve të tyre, duke u përkthyer në ndërtime pa leje”, ka thënë Veliaj./CNA.al





Lajmet e fundit nga