web counter
LEXO PA REKLAMA!

SHKARKO APP

App Store
Google Play

Pas mbledhjes së dështuar me 12 anëtarë/ Alibeaj: Kryesia na mbështeti

2 Nëntor 2022, 21:29, Politikë CNA

Pas mbledhjes së dështuar me 12 anëtarë/ Alibeaj: Kryesia na

Pas mbledhjes së dështuar të kryesisë së grupit të përçarësve, Enkelejd Alibeaj njoftoi se ka gjetur mbështetjen e kryesisë, pra të 12 anëtarëve që ishin të pranishëm në mbledhje.

Alibeaj tha se tashmë do të nisë organizimin e zgjedhjeve lokale, ndërsa bëri të ditur se do të mbajë një mbledhje me Kolegjin e Kryetarëve ditën e premte.

Ai u shpreh qëndrimi i grupit të tij e mori frymëzimin nga qëndrimi i burrave të mençur të Mirditës.

“Mbledhja sot zgjati tri orë dhe nuk mjaftonin në fakt. U bë dhe kohë që nuk është mbledhur kryesia e Partisë Demokratike. Ishte një mbledhje informuese, Kryesia e PD-së mban qëndrim unanim në lidhje me qëndrimet e grupit parlamentar, një e bëmë dhe dje. Ne kemi shtrirë dorën, kryesia jo vetëm që na mbështet dhe tashmë do të ecim me zgjedhjet lokale. Në orën 3, të premten, do të kemi një tjetër mbledhje Kryesie për zgjedhjet.

Kam qenë i pari që kam mbështetur atë që bënë burrat e mençur të Mirditës. Qëndrimi i grupit i mbështetur nga Kryesia mori frymëzimin nga qëndrimi i përfaqësuesve në Mirditë. kemi qenë e jemi për një kandidat fitues, të demokratëve të bazës. Duhet të shkojmë në zgjedhjet lokale për të fituar. Nuk duhet lejuar të ndikohen nga ndasia lart”, theksoi ai./ B.A. - CNA.al

 





Lajmet e fundit nga