web counter
LEXO PA REKLAMA!

SHKARKO APP

App Store
Google Play

Spaho, ende shpresë për bashkëpunim me grupin e Alibeajt/ Ka kohë për një vendim racional

3 Nëntor 2022, 18:15, Politikë CNA
Spaho, ende shpresë për bashkëpunim me grupin e Alibeajt/ Ka
Deputeti i PD-së, Edmond Spaho

Deputeti i PD-së, Edmond Spaho, ka ende shpresë për të gjetur një rrugë bashkëpunimi me grupin e Enkelejd Alibeajt.

Spaho tha në emisionin “Studio Live” se zgjedhjet janë relativisht larg dhe ka kohë për të marrë një vendim racional.

“Sa kohë që zgjedhjet ende janë relativisht larg, gjithmonë ka kohë për të marrë një vendim racional, që të dalim me një kandidat”, u shpreh ai.

Deputeti theksoi se pozicioni i Sali Berishës si kryetar i PD-së nuk mund të vihet në diskutim.

“Interesi i opozitës është që të dalë me një kandidat, përzgjedhja mund të bëhet me votën e anëtarësisë, aq më tepër që nuk voton vetëm anëtarësia, por edhe simpatizantët. Berisha është votuar nga anëtarësia, ramë dakord që kemi problem që nuk kapërcehen kollaj, parimisht ramë dakord që do dalim me një kandidat, por si do e zgjidhim me pazare? Gjithmonë kemi pasur problem me anëtarësinë se na thonin ne mbështesim të tjerë njerëz, ju na sillni një tjetër”, deklaroi Spaho./ B.A. - CNA.al





Lajmet e fundit nga