web counter
LEXO PA REKLAMA!

SHKARKO APP

App Store
Google Play

Paralajmërimi i Këlliçit/ Çfarë do të ndodhë nëse do të zgjidhet kryetar bashkie më 14 maj

3 Nëntor 2022, 22:32, Politikë CNA
Paralajmërimi i Këlliçit/ Çfarë do të
Deputeti Belind Këlliçi

Deputeti Belind Këlliçi, i cili do të garojë në primare, për të kandiduar për kryetar bashkie për Tiranën, ka paralajmëruar se nëse do të zgjidhet me 14 maj, do të kallëzojë të gjithë zyrtarët, që kanë shkelur ligjin, duke nisur nga Erion Veliaj.

I ftuar në emisionin “Opinion”, deklaroi se dikush duhet të mbajë përgjegjësi për ndërtime pa leje që janë bërë në kryeqytet.

“Kemi parë me mijëra qytetarë që janë proceduar dhe kanë shkuar dhe në burg se kanë ndërtuar pa leje tjegullat e çatisë apo pllakat e banjos. Si mundet që Policia Bashkiake në Tiranë çdo ditë iu troket qytetarëve që brenda mund të kenë punime në shtëpitë e tyre dhe përballë zyrës së kryebashkiakut ndërtohet një kullë me 7 kate pa leje?

Dikush duhet të mbajë përgjegjësi për të. Nëse unë zgjidhem kryetar i Bashkisë Tiranë në 14 maj, ju garantoj që me të pasur mundësinë që të kem akses në dokumentet zyrtare të bashkisë do të kallëzoj personalisht, në cilësinë e kryetarit të bashkisë të gjithë ato zyrtarë duke nisur nga Erion Veliaj i pari e deri te zyrtari më i fundit, ata që kanë shkelur ligjin. Duhet bërë transparencë për qytetarët. Kjo kulturë duhet marrë fund një herë e mirë sepse nuk është normale. Kemi pastaj pallate 9 kate që në mënyrë të mistershme që qenkan ndërtuar pa leje”, tha Belind Këlliçi./ CNA.al 





Lajmet e fundit nga