Indrit Hoxha, takim me përfaqësues të OSBE/ODIHR-it/ Zbardhen diskutimet

26 Prill 2023, 20:29, Politikë CNA

Indrit Hoxha, takim me përfaqësues të OSBE/ODIHR-it/ Zbardhen

Kandidati i opozitës për Vorën, Indrit Hoxha, zhvilloi sot një takim me përfaqësues të OSBE/ODIHR-it.

Me anë të një statusi në rrjetet sociale, Hoxha bën të ditur se i ka paraqiti problematikat e bashkisë së Vorës përfaqësuesve të OSBE/ODIHR-it.

Hoxha i informoi ata se po përdoren bandat gjatë fushatës zgjedhore me qëllim intimidimin e qytetarëve, ndërsa përmendi edhe përdorimin e administrates publike në fushatën zgjedhore.

Hoxha denoncoi para përfaqësuesve të OSBE/ODIHR-it se si po përdoren fondet publike për qëllime elektorale.

Indrit Hoxha, takim me përfaqësues të OSBE/ODIHR-it/ Zbardhen

Deklarata e plotë:

Kisha kënaqësinë të prisja sot në zyrën e shtabit elektoral te koalcionit "Bashkë Fitojme" në Vorë përfaqesues të misonit OSBE/ODIHR. Bashkë me stafin tim i paraqitëm të gjitha problematikat që ka shfaqur kjo bashki për sa i përket procesit zgjedhor, por jo vetëm.

I bëra me dije përfaqësuesve të OSBE/ODIHR se Vora ka këto problematika.

1. Është bashkia e cila ka ndërruar më shumë kryebashkiakë në katër vite sa asnjë tjetër në Republikën e Shqipërisë, duke e kthyer atë bashkinë simbol të paligjshmërisë dhe korrupsionit.

2. Përdorimin e bandave gjatë fushatës zgjedhore me qëllim intimidimin e qytetarëve për të votuar partinë në pushtet.

3. Përdorimin e administratës publike në fushatën zgjedhore si dhe fryrjen e saj jashtë çdo kriteri duke keqpërdorur paratë publike me qëllime politike.

Indrit Hoxha, takim me përfaqësues të OSBE/ODIHR-it/ Zbardhen

4. Përdorimin e fondeve publike për qëllime elektorale. Si përshembull intimidimin që kërcënimi që po u bëhet qytetarëve të Vorës në shpërndarjen e shtëpive që kanë humbur nga tërmeti.

I falenderova që kishin zgjedhur për të vëzhguar nga afër. Me të drejtë, pasi Vora në raport me popullsinë dhe territorin ka ndoshta përqendrimin kriminal më të madh se çdo bashki tjetër. Për këto arsye i kërkova që në bashkinë Vorë të dyfishohet numri i vëzhguesve ndërkombëtarë. Unë personalisht do të jem në dispozicion të tyre për të faktuar çdo ditë krimet elektorale të bandës në pushtet. Është misioni i të gjithëve ne, që asnjë votë të mos cenohet dhe vullneti i qytetarëve të Vorës të respektohet.

Qytetarët e Vorës të ndihen të sigurtë se çdo votë e tyre do të numërohet dhe në fund demokracia do të fitojë e korrupsioni dhe krimi në Vorë do të largohen me vullnetin e lirë të qytetarëve./ CNA.al