web counter
LEXO PA REKLAMA!

SHKARKO APP

App Store
Google Play

Dashamir Shehi: Një organizatë kriminale shqiptare ka bërë strehë në Angli

17 Janar 2023, 22:19, Politikë CNA
Dashamir Shehi: Një organizatë kriminale shqiptare ka bërë
Kreu i LZHK-së, Dashamir Shehi

Kreu i LZHK-së, Dashamir Shehi, ka bërë një deklaratë të fortë, teksa ka folur për emigrantët shqiptarë që kanë ikur ilegalisht në Angli dhe masat e marra nga autoritetet britanike.

Shehi tha në emisionin e Erla Mëhillit se një organizatë kriminale shqiptare ka bërë strehë në Angli.

Ai theksoi se shqiptarët atje janë të bezdisshëm, ndaj dhe autoritetet po marrin masa.

“Qeveria duhet të luajë një rol që të paktën të japë shenja që po e lufton fenomenin. Ne bëjmë propagandë sikur ne jemi lavdia e Evropës dhe po na poshtërojnë. Ne po e poshtërojmë vetë veten tonë. Po mor po, të bezdisshëm janë shqiptarët në Angli, ti s’merr asnjë masë, s’ke asnjë lloj filtri. Ky mund të jetë gabimi i atyre, mund të gjendet një formulë emigrimi legal në këtë periudhë që ata janë nevojë. Por duhet ta pranojmë; në Angli ka bërë strehë një grup kriminal, një organizatë kriminale, gjë që s’e ka bërë në Gjermani dhe nga Gjermania nuk reagohet në të njëjtën mënyrë”, nënvizoi kreu i LZHK-së./ B.A. – CNA.al





Lajmet e fundit nga