web counter
LEXO PA REKLAMA!

SHKARKO APP

App Store
Google Play

“Alibi e vjetër”/ Topalli: Nuk besoj te skenaret e problemeve të shëndetit mendor

6 Dhjetor 2022, 21:32, Politikë CNA

“Alibi e vjetër”/ Topalli: Nuk besoj te skenaret e problemeve

Ish-kryeparlamentarja Jozefina Topalli, e ka cilësuar si agresion politik sulmin e sotëm ndaj kryetarit të PD-së, Sali Berisha, në nisje të protestës së opozitës.

“Është një agresion politik. Në fakt është një nga ngjarjet më të rënda gjatë këtyre tre dekadave. I bërë ndaj kryetarit të opozitës, është një agresion i etur ndaj opozitës dhe provokim i rëndë ndaj shoqërisë në përgjithësi”, u shpreh ajo.

Topalli tha në emisionin “Open” se nuk beson se agresori Gerti Shehu është me probleme të shëndetit mendor, pasi theksoi se kjo është alibi e vjetër.

“Sigurisht unë nuk besoj një nga këto skenaret se qenka shpallur me probleme të shëndetit mendor sepse është një alibi e vjetër e përdorur në të tilla raste.

Në dedadat e fundit nuk ka ndodhur kurrë të agresohet kryetari i opozitës në një protestë paqësore. Të gjitha shigjetat shkojnë te pushteti, i cili sigurisht përpiqet të lajë duart.

Pavarësisht se është një ngjarje shumë e rëndë, ka një precedent të rrezikshëm”, nënvizoi ajo./ B.A. – CNA.al





Lajmet e fundit nga