LEXO PA REKLAMA!

SHKARKO APP

E fundit!

x

Berisha ‘nxjerr zbuluar’ agresorin/ Ka rinovuar patentën në vitin 2022

6 Dhjetor 2022, 15:50, Politikë CNA
Berisha ‘nxjerr zbuluar’ agresorin/ Ka rinovuar patentën
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar për dokumentin që doli në media se agresori Gerti Shehu, që e sulmoi në nisje të protestës, është i sëmurë mendor.

Berisha hodhi poshtë këtë pretendim, teksa zbuloi se Shehu ka rinovuar patentën në vitin 2022.

Ai theksoi se nëse do të ishte i sëmurë psikik, atëherë nuk do të mund ta kishte rinovuar patentën.

“E dhëna tjetër. Burim plotësisht kompetent. Vërtetim mjekësor si ai që lexuat ju në atë format, lëshohet me kërkesë informale nga policia ose prokuroria, për të infiltruarit.
Këtë e kishin të gatshëm. Përdoret për të shmangur arrestimin në flagrancë kur kapet nga punonjës policie që nuk kanë dijeni se është i infiltruar në grup. Pra, e arrestojnë, i nxirret ky lloj vërtetimi dhe e lirojnë. Tjetër, ka marrë rinovimin e patentës dhe këtu i kam fotot, gjë e cila si i sëmurë mendor nuk mund ta merrte kurrë. E gjithë kjo tregon se Edi Rama e kreu këtë akt prej frikacaku të turpshëm, e kreu me një agjent të policisë kriminale dhe për këtë sigurisht që ai do të marrë përgjigje. Këto janë dokumente pa datë, tamam të atillë që u nxirret, liroje se është i tillë, kaq”, deklaroi kreu i PD-së./ B.A. – CNA.al

Lajmet e fundit nga