web counter
LEXO PA REKLAMA!

SHKARKO APP

App Store
Google Play

Bllokimet e akseve rrugore për protestën e nesërme/ Berisha: Rama ka 4 ditë që përpiqet ta sabotojë

5 Dhjetor 2022, 20:21, Politikë CNA
Bllokimet e akseve rrugore për protestën e nesërme/ Berisha: Rama
Kreu i PD-së, Sali Berisha

Kreu i PD-së, Sali Berisha, është shprehur se kryeministri Edi Rama ka 4 ditë që po bën gjithçka për të sabotuar protestën.

Gjatë një deklarate për mediat, Berisha tha se e ka kthyer vendin si të ishte një vend i sulmuar nga katër anët duke bllokuar rrugët.

“Ky armik i egër i votës, lirisë dhe qenies së shqiptarëve, ka 4 ditë që bën gjithçka për të sabotuar protestën tonë. Njëherë informoi zyrtarisht shkollat se nuk do të ketë shkollë ditën e samitit. Informoi të nesërmen administratën se është ditë pushimi. I riktheu të gjitha se e pa se ata do të derdheshin në shesh kundër qeverisë.

Tani, njëlloj sikur të ishte vendi i sulmuar nga të 4 anët njofton se ky aks rrugor, kjo autostadë, apo ajo autostradë do të mbyllet.

Unë jam këtu për tu bërë thirrje shqiptarëve, nga Konispoli në Tropojë. Për ti përshëndetur se mijëra e mijëra kanë hyrë në Tiranë sot paradite dhe gjatë pasdites. Por edhe të tjerët të lënë çdo gjë e të nisen drejt Tiranës.

Të trokasin kurdo që të vijnë në çdo derë demokrati, bujrëm mirë se të vini, nesër së bashku në protestë. Ta marrë vesh bota, se ne nuk nënshtrohemi, se ne jemi njerëz të lirë, të gatshëm për të mbrojtur dinjitetin tonë dhe për ti treguar Europës dhe botës së ky regjim monist nuk ka kod tjetër përveç kodit të mafias, vjedhjes, plaçkitjes dhe të dhunës.

Ndaj dhe këto orë që na ndajnë, që presim me padurim protestën në bulevardin ‘Dëshmorët  e Kombit’. Ne nuk kërcënojmë në asnjë rast, rrethanë sigurinë e miqve që kanë ardhur në Shqipëri. Përkundrazi kërcënim mafioz për çdo gjë janë klanet e Ramës dhe vetë ai”, tha Rama./ CNA.al





Lajmet e fundit nga