LEXO PA REKLAMA!

SHKARKO APP

Ilda Dhori kërkon interpelancë/ Braçe e kryqëzon për 'resortin': 110 hektarë i keni nga qeveria

5 Dhjetor 2022, 19:34, Politikë CNA
Ilda Dhori kërkon interpelancë/ Braçe e kryqëzon për
Deputetja e Partisë Demokratike, Ilda Dhori

Deputetja e Partisë Demokratike, Ilda Dhori, kërkoi interpelancë për traun në elektronik në parkun e Divjakës, për të cilin ka replikuar me ministren e Turizmit, Mirela Kumbaro.

Por Dhori ka marrë një përgjigje nga deputeti Erion Braçe, i cili “ka kryqëzuar” deputeten në lidhje me akuzat e ngritura nga ajo.

Braçe deklaroi se në Divjakë nuk ka një përleshje për pushtet, teksa ngriti aludimet se pushteti qëndron në duart e një deputeti ose deputeteje që ka prona e pallate, të cilat i kanë përfituar nga qeveria.

“Shqetësimi nuk ka lidhur me VKM-në e firmosur nga Erion Braçe. Shqetësimi ka lindur me këtë autorizim nga ARRSH që autorizon kryerjen e punimeve në Divjakë. Problemi është ky vendim, ky autorizim. Sjell një vendim të VKM 12.30.2021 që përcakton inventararin e akseve rrugore. Në të dyja nenet e VKM nuk kërkohet dhe detyrohet vendosja e një trau në rrugë kombëtare.

Isha kundër dhe e nxora gjashtë herë nga mbledhja e qeverisë. Në aktin e parë nuk përjashtoheshin as banorët e zonës dhe tarifat ishin në dyfish më të lira. Por e lamë të lirë vendndodhjen e traut. Nuk thuhet askund që duhet në rrugë, sepse bie ndesh me Kodin Rrugor. Në Divjakë nuk ka përleshje për lekë midis pushtetit. Paratë që merren nga parku janë për të hipur në varkë, para për të parkuar makinën në brezin e rërës sepse Bashkia kryen pastrimin.

Nuk ka përleshje për një arsye, se ky deputeti që shihni këtu, s’ka pallat, s’jam unë deputeti që ka pallat. Jo në pronësi por të grabitur, direkt sa la Berisha pushteti. S’kam unë resort në Divjakë. Nuk jam unë asnjë kushëri, që ka një super resort, 110 hektarë në kulat. Boll bëtë sikur jeni antiqeveri se ato që keni, i keni nga qeveria.”- tha Braçe.”, theksoi ai./ B.A. – CNA.al

Lajmet e fundit nga