web counter
LEXO PA REKLAMA!

SHKARKO APP

App Store
Google Play

Zotohet Berisha/ “Pa votë të lirë nuk do të ketë stabilitet në vend”

6 Dhjetor 2022, 13:59, Politikë CNA

Zotohet Berisha/ “Pa votë të lirë nuk do të ketë

Kreu i PD-së, Sali Berisha, ka bërë një zotim para qytetarëve.

Sipas tij pa votën e lirë nuk ka dhe nuk do të ketë stabilitet në Shqipëri.

“Ndaj nga ky shesh, të zotohemi ne se pa votën e lirë, nuk ka dhe nuk do ketë stabilitet në Shqipëri.

Ju ftoj të brohorasim: poshtë stabilokracia dhe vota e vjedhur, rroftë vota e lirë.

U them udhëheqësve politikë të Europës, se Edi Rama është i padenjë të qëndrojë në atë Samit.

Shqipëria është në rrezik të vërtetë ekzistencial. Këto kohë të gjithë jeni dëshmitarë se si shqiptarët pas 31 viteve u shfaqën kanaleve të La Manshit duke kaluar sirianë dhe afganë dhe kryeministri i Shqipërisë fajësoi qeverinë britanike.

Por kjo është vetëm maja e dramës së shpopullimit. 740 mijë shqiptarë kanë emigruar gjatë kësaj qeverisjeje, mbi 500 mijë janë të rinj dhe fëmijë.

Cila është e vërteta? Çfarë do të thotë kur shkollat mbyllen, kur bizneset ulin qepenat?

Kombi po ikën, po i vjedhin të ardhmen e tij. Nuk është e nevojshme të jem mjek për të kuptuar që këto shifra flasin për një trup në vdekje e sipër. Mbi shqiptarët po bëhet spastrim etnik në proporcionet e një gjenocidi. Shqipëria është në rrezik, ne do e shpëtojmë atë”, është shprehur Berisha./CNA.al





Lajmet e fundit nga