web counter
LEXO PA REKLAMA!

SHKARKO APP

App Store
Google Play

Begaj takon Kryeministrin e Kroacisë/ Zbardhen bisedimet

6 Dhjetor 2022, 17:54, Politikë CNA
Begaj takon Kryeministrin e Kroacisë/ Zbardhen bisedimet
Presidenti Bajram Begaj me Kryeministrin e Republikës së Kroacisë, Andrej Plenkoviç

Presidenti Bajram Begaj, priti sot Kryeministrin e Republikës së Kroacisë, Andrej Plenkoviç, i cili ndodhet në Tiranë për të marrë pjesë në Samitin BE-Ballkani Perëndimor.  

Begaj vlerësoi marrëdhëniet shumë të mira e tradicionalisht miqësore mes dy vendeve si dhe rolin shumë të veçantë që ka luajtur dhe luan diaspora shqiptare në Kroaci, duke iu referuar diasporës së vjetër të Arbanasve të Zarës si “një krenari e përbashkët”.  

Lidhur me partneritetin e ngushtë në NATO, Kreu i Shtetit vlerësoi rrugëtimin e përbashkët të dy vendeve, të cilat sot kontribuojnë me të gjitha kapacitetet politike e diplomatike për garantimin e paqes dhe të sigurisë në rajonin e Ballkanit Perëndimor.

Presidenti vlerësoi mbështetjen që Kroacia i ka dhënë e po i jep Shqipërisë dhe procesit të zgjerimit, duke shtuar se “organizimi i Samitit BE-Ballkani Perëndimor në Tiranë është mesazhi më i mirë për këtë mbështetje”.

Të dy bashkëbiseduesit u ndalën dhe në zhvillimet më të fundit në rajonin e Ballkanit Perëndimor, duke nënvizuar domosdoshmërinë e vijimit të dialogut midis Kosovës dhe Serbisë, si dhe ndikimin e përshkallëzimit të agresionit ushtarak rus në Ukrainë për paqen dhe stabilitetin në rajonin tonë./ CNA.al

Begaj takon Kryeministrin e Kroacisë/ Zbardhen bisedimet

Begaj takon Kryeministrin e Kroacisë/ Zbardhen bisedimet





Lajmet e fundit nga