web counter
LEXO PA REKLAMA!

SHKARKO APP

App Store
Google Play

E fundit!

x

Samiti i BE-së/ Rama: Studentët tanë mund të studiojnë nga Tirana në universitete europiane!

6 Dhjetor 2022, 16:20, Politikë CNA

Kryeministri Edi Rama, Presidenti i Këshillit Europian, Charles Michel dhe Presidentja e Komisionit Europian Ursula von der Leyen kanë dalë në një konferencë për mediat ku po flasin për punimet e Samitit të BE-së në Tiranë.  

Rama theksoi se zhvillimi i Samitit në vendin tonë është një mesazh për shqiptarët se BE është këtu me ne. Ndër të tjera ai tha se BE ka nevojë për Ballkanin Perëndimor dhe anasjelltas.

"Është hera e parë kur BE del nga kufijtë e BE-së për të mbajtur një Samit dhe kjo ndodh në Ballkanin Perëndimor, është shenjë e jashtëzakonshme e një vetëdijësimi se sa ka nevojë Ballkani Perëndimor për BE-në dhe e anasjellta. E shoh rolin e Shqipërisë në rajon si një faktor i paqes, prosperitetet dhe bashkëpunimit. Është momenti që të gjithë njerëzve në rajon, e sidomos popullit shqiptar, t'i përçohet mesazhi që BE është këtu për ne. BE e ka thënë se shqiptarët janë populli me pro BE-së në Europë. Vijmë nga ferri i vërtetë i izolimit dhe i pamundësisë totale për t'u lidhur me Europën, kurrë nuk kemi hequr dorë nga kjo fe besimi te BE-ja. Ky është një takim, është një hap, nuk është fundi i rrugëtimit tonë drejt BE-së, por është një gurthemeli që tregon jo vetëm nëpërmjet pranisë, por edhe fakteve të tjera", - tha Rama.

Gjithashtu Rama dha një lajm për të rinjtë për disa projekte që janë diskutuar në Samitin në Tiranë.

“Studentët dhe të rinjtë kanë një lajm të shkëlqyer. Jo vetëm universitetet do të jenë në gjendje të angazhohen me Erazmus Plus, por me aleancën e arsimit të lartë në Europë. Në një moment kur të jenë përfunduar të gjitha procedurat e nevojshme, studentët tanë mund të studiojnë prej këtej në universitetet e Europës në mënyrë digjitale. Kjo ishte diçka që deri më sot ishte e mundur vetëm po të ishe anëtar. Edhe ‘rrugët e gjelbra’ me Kroacinë apo me vend tjetër është gjë e re. Tjetër gjë fantastike që diskutuam dhe morëm mbështetjen e plotë të udhëheqësve për të pasur në Tiranë kampusin e Kolegjit të Europës në Bruzh. Një universitet me reputacion mjaft të lartë. Është koha që këtë kampus ta ngremë në Tiranë. Jo më pak është marrëveshja për Roaming, ku qytetarët tanë do të kenë tarifa më të ulëta”, tha Rama./CNA.al





Lajmet e fundit nga