web counter
LEXO PA REKLAMA!

SHKARKO APP

App Store
Google Play

E fundit!

x

Tritan Shehu: Berisha, një “burrë shteti” edhe përballë krimit terrorist provokator!

6 Dhjetor 2022, 19:49, Politikë CNA
Tritan Shehu: Berisha, një “burrë shteti” edhe
Deputeti i Partisë Demokratike, Tritan Shehu

Deputeti i Partisë Demokratike, Tritan Shehu, ka dënuar sulmin ndaj kryetarit të Partisë Demokratike, Sali Berisha, të cilin e quan një provokim.

Mer anë të një statusi në rrjetet sociale, Shehu thotë se Berisha qëndroi si një “burrë shteti” dhe sipas tij, kjo ka qenë njëra nga arsyet pse provokimi dështoi.

Ai thekson se një tjetër arsye është se  demokratët dhe opozitarët reaguan si demokratë të vërtetë me vetëdije të thellë qytetare, duke mos rënë pre e kurthit të ngritur ndaj tyre.

“Berisha, një “burrë shteti” edhe përballë atij krimi terrorist provokator!

Një veprim i paramenduar e i programuar, ai i kryer me gjakftohtesi të plotë, “profesionalizëm” dhe qëllime të rrezikshme për vendin, ky i sotmi ndaj Berishës.

Një provokacion i qartë për PD e opozitën.

Pikërisht për të irrituar e nxitur kështu njerëzit drejt veprimeve të dhunshme, në një kohë që ajo protestë po fillonte krejt paqësore.

Për ta nxjerrë atë nga ato “shina” e gjakosur kështu atë Bulevard.

Diabolizëm fund e krye ky.

Por që fatmirësisht nuk i realizoi ato qëllime barbare, dështoi.

Nuk i realizoi për dy arsye:

—Sepse Berisha u tregua përsëri një lider i vërtetë europian, perëndimor, që me përgjegjshmëri të lartë, pavarësisht atyre momenteve shumë të vështira që kaloi, arriti me ndërgjegje të plotë e qartësi mendimi ta menaxhojë situatën në mënyrën më të mirë të mundshme, për të shmangur më të keqen.

—Sepse demokratët e opozitarët aty reaguan si demokratë të vërtetë me vetëdije të thellë qytetare, duke mos rënë pre e kurthit të ngritur ndaj tyre.

Në fund të fundit “burrat e shtetit”, edhe në të tilla momente kritike, dinë të demostrojnë vetitë e tyre.

Demokratët janë e mbesin kurdoherë demokratë”, shkruan ai./ B.A. – CNA.al





Lajmet e fundit nga