E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Njeriu në rast”…

17 Prill 2023, 17:40, Opinione Hysni Gurra

Kryebashkiaku dhe kandidati i PS-së për Tiranën

Prej kohësh kam artikuluar frikën dhe pasigurinë që ndien Erioni në këtë fushatë. Një nismë e tij e re, sot, më bindi plotësisht.

Shumë njerëz thonë se frika nuk ka asgjë të keqe, sepse të gjithë kanë frikë nga diçka.

Jam dakord që është normale të kesh frikë nga humbja e njerëzve të dashur, nga aksidenti ose diçka tjetër. Por ka njerëz që janë pushtuar nga frika.

Këta njerëz shpesh nuk mund të tregojnë se nga çfarë kanë frikë. Ky është kuptimi i shprehjes "frika ka sy të mëdhenj".

Për ta përshkruar këtë shprehje në mënyrë më të detajuar dhe për të kuptuar se në çfarë mund të çojë e gjithë kjo, po sjell ndërmend të atyre që erdhën deri këtu duke lexuar një shembull nga vepra letrare e Çehovit "Njeriu në rast".

Personazhi kryesor Belikov është një njeri i pushtuar nga frika. Dhe se çfarë ka frikë, nuk mund ta thotë. Ai ka frikë se do të devijojë nga rregulloret dhe nuk do të jetojë sipas rregullave. Por një jetë e tillë nuk mund të çojë në asgjë të mirë. Kur një person mbyllet në vetvete, jeta e tij pushon së qeni interesante dhe fillon të humbasë mendërisht.

Siç e shohim nga ky shembull, frika që nuk ka arsye e shkatërron një person. Jeta e një personi mbyllet, njeriu humb gjithçka rreth tij që dikur ishte e dashur për të.

Dhe në këtë fushatë Veliaj është rasti.

Për t’i rënë shkurt- Erion Veliaj nuk preferohet nga socialistët. Ai këtë e di, por ajo që e frikëson është se ata nuk ia thonë në sy. Atyre u është imponuar Erioni gjithmonë me dhunë nga Rama. Dhe kanë vendosur të përgjigjen me heshtje, te kutia e votimit.

Me ç’duket këtë fushatë elektorale Rama dhe Socialistët janë marrë vesh pa folur me mes tyre.

Ai nuk po u kërkon mbështetje për Veliajn dhe socialistët po bëjnë me “sikur” në fushatë.

Këtë Veliaj e di dhe dëshpërimisht ka marrë ato masat e tij.

Më e fundit është shpërndarja e dekoratave për socialistët. Certifikata mirënjohje për socialistët nga Veliaj.

Kam përshtypje që Erionin në këtë rast e kanë këshilluar me dashakeqësi- i thonë jepu certifikata mirënjohje socialistëve “ti” që socialistët s’duan të shohin me sy.

Po ç’të bëjë Erioni, është i përfshirë nga frika dhe s’di nga i vjen. Një frikë që s’di ta përcaktosh nga se të vjen, të bluan shpirtin.