web counter
LEXO PA REKLAMA!

SHKARKO APP

App Store
Google Play

E fundit!

x

Ku paguhet për shërbimet e përdorimit të Gaz Bardhit?

20 Nëntor 2025, 10:32, Opinione Elvi FUNDO


Ka një fill shumë interesant që e lidh shpesh Gaz Bardhin me beteja private për llogari të eksponentëve politikë të majtë deri edhe të Erion Veliajt.

Gazment Bardhi nuk është politikan!

Politikani mbahet pas fjalës e Gazi me fjalën nuk është mik.

Gaz Bardhi për shembull nuk lexon dot sot pothuajse asgjë nga ato që ka thënë dje, sepse nëse e bën, thjesht përgënjeshtron vetveten.

Por Gazi ka namin që përdoret!

Dhe kur të del ky nam, vërsulen të gjithë kush e kush të të përdorë më fort. Dhe nëse qëllon në usta, do të të kërkojë të të përdorë edhe sa më shpesh!

Gaz Bardhi për shembull u përdor hapur nga të zemëruar me listën e Fierit, në një linjë aleancash private jo dhe aq të fshehta, që kalonin nga Braçja te Tabaku e në fund te Gazi.

Gazi ynë nuk lidhet dot pas fjale!

Nëse lexon sot se ç'thotë Gazi, të duhet të shpërthesh në gaz të nesërmen kur pret të lexosh vazhdimin dhe lexon një Gaz tjetër, që as përgënjeshtron, as kërkon ndjesë e as nuk skuqet.

Gazi ynë është Gaz i veçantë!

Gazin tonë e përdor ai që ka hallin e radhës dhe të cilit Gazi i shërben me të njëjtin nerv. Por asfare me besnikëri. Sapo kalon halli, kalon edhe Gazi!

Gazi nuk ka miq, ndaj ky shërbimi ndaj përdorësit të radhës nuk shpjegohet me borxhe shoqërie.

Por nëse nuk është thjesht një i lajthitur, pse Gazi është i hapur për çdo përdorim?

Gazi ishte i hapur që në betejën personale të Erion Veliajt, të përdorej kundër kujtdo që Veliaj besonte se mund t’i bëhej pengesë.

Në planin njerëzor nuk mund të akuzosh Erion Veliajn në luftën e tij për jetë a vdekje politike.

Po Gazi ku hyn te halli personal i Veliajt?

Demokratët e donin Veliajn jashtë zyrës kurse Gazi e do në zyrë. Dhe për ta kthyer Veliajn në zyrë, sulmoi e gjurmoi me tekstet e Veliajt, çdokënd që Veliaj nuk e sulmonte dot vetë.

I tillë ishte për shembull sulmi kundër Presidentit të Republikës. Gazi nuk ka kolegë, sepse Gazin edhe kolegët e duan sa herë e përdorin, aq kohë sa vazhdon përdorimi. Por nëse mes kolegësh ca gjëra edhe tejkalohen, me përdorës të kahut tjetër politik, i vetmi argument bindës mbetet pagesa.

Se nuk e besojmë dot që është thjesht ves! Pastaj qëllon që kur përdorësi mbetet shumë i kënaqur, të merr edhe në mbrojtje në portale ku ka të parapaguar një përqindje të mirë hapësire.

Quhet liri editoriale e kohës së Gazëve! Të paguaj rregullisht që të fus aq shkrime sa dua, kur të më duhet dhe kundër e pro kujt të dua. Por paguhet!

S’ka Gaz te daja veresie./CNA





17:57 Opinione Mentor Kikia

Toga dorëzohu!

Ndoqa fjalën e Z.Berisha sot në mbledhjen me kryetarët e deg...

Lajmet e fundit nga