E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Demokracia elektorale/ Pluralizëm konkurrues?

10 Nëntor 2025, 11:43, Opinione Afrim Krasniqi

Shqipëria dhe Kosova zhvilluan dje zgjedhje të pjesshme vendore. Nisën në të njëjtën orë.

Në Kosovë në orën 21:00 ishin numëruar votat, në Shqipëri numërimi nisi në orën 22:00. Përfundoi sot nga mëngjesi.

Demokracia elektorale/ Pluralizëm konkurrues?

Në Kosovë kandidatët luftonin për çdo votë deri në sekondën e fundit, në Shqipëri kandidatët fitues e shpallën rezultatin 3 ditë para votimit.

Në Kosovë kandidatët rivalë uruan njëri-tjetrin, përfshirë kandidati kryesor që humbi dhe ai që fitoi në Prishtinë. Në Shqipëri?! As mund të imagjinohet.

Në Kosovë opozita e ndarë, por fitoi bashkitë kryesore, shumicën e tyre. Në Shqipëri?! As mund të imagjinohet. Ajo as logo nuk vendosi dot.

Në Kosovë gjatë votimit struktura task force e ligjit bëri arrestime për dy të dyshuar për krime zgjedhore. Në Shqipëri?! As mund të imagjinohet.

Në Kosovë liderët politikë përshëndetën rezultatet. Në Shqipëri?! As nuk imagjinohet.

Në Kosovë vendi mund të shkojë në zgjedhje të parakohshme parlamentare. Çështje mandati qeverisës, jo shumice qeverisëse. Në Shqipëri fjala “e parakohshme” nuk njihet.

Në Kosovë liderët politikë kryesorë janë kryesisht 40-50 vjeç. Në Shqipëri? Jemi ende peng i një gjenerate që vegjeton prej 30-40 vitesh. Pa ndryshim, pa rotacione, pa prurje të reja.

Demokracia elektorale/ Pluralizëm konkurrues?

Së fundi, por domethënëse: zgjedhjet jetojnë pluralizmin, konkurrencën, alternativat më të mira dhe demokracinë përfaqësuese e funksionale.

Në Kosovë harta elektorale tregon pluralizëm dhe 5-6 aktorë politikë në përfaqësim/drejtim, pra një demokraci elektorale dhe përfaqësuese pluraliste dhe konkurruese. Në Shqipëri? Përveç një ngjyre, zonat e tjera duhen si njolla në biografi. Me rekord historik në mospjesëmarrjeje/refuzim (18%), dhe rekord historik fitoreje (66%-83%). Të fundit, por krenar. Si dikur, edhe tani.