E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

As ka qenë e as është e kuqe, demokratët e Vlorës janë tradhtuar nga të vetët

12 Nëntor 2025, 12:15, Opinione Gezim Zilja

As ka qenë e as është e kuqe, demokratët e Vlorës

I njihni ju demokratët e qytetit të Vlorës e rrethinave!? E dini ju sa fituan ata më 1992, se si luftuan e rezistuan në vitin 1997, kur i vunë gjoksin në kuptimin e vërtetë, armëve të kriminelëve të KSHP-ve dhe bandave të caushëve?

E mban mend o Sali Berisha se si të pritën demokratët vlonjatë më 1999, kur dridhej fëmija në bark të nënës, që të kishin bërë disa prita që nga shamizezat komuniste me pirgje zhavori në Novoselë e deri te policia e shtetit që bënte sikur të mbronte.

Djemtë e Vlorës e morën në ballë për ty dhe kurrkush nuk guxoi të të prekte një qime floku se do vente gjaku deri në gju. E mban mend që të vajti gjuha poshtë e desh u mbyte nga emocionet kur pe Sheshin e Flamurit mbushur tej e tej sa nuk nxinte më, duke brohoritur emrin tënd si njeriu i shpresës? E bënë se besonin te ti, se ishte bërë një padrejtësi dhe donin demokracinë. E di se ku janë sot qindra djem, burra, vajza që ishin gati të jepnin jetën për ty dhe shokët e tu?

Sigurisht që nuk e di. Se pushteti për ty është gjithçka. Policia sekrete e Fatos Nanos, pasi ti ike shëndosh e mirë në Tiranë, i ndoqi këmba-këmbës, i burgosi ku mundi, i la pa punë, u terrorizoi familjet, po ata nuk u përkulën. Mbetën pa punë dhe shumë prej tyre kaluan nga Italia deri në Amerikë e u qan zemra për Vlorën e Shqipërinë. Kur demokratët rimorën pushtetin më 2005, askush nuk u kujtua për ta dhe fëmijët e tyre.

Zgjodhe rreth vetes servilë, intrigantë e hajdutë. Pas humbjes më 2013 u bëre “dhuratë” demokratëve Lulzim Bashën, të përkëdhelurin e familjes, “un pezzo di merda” ose “piece of shit.” Ky karagjoz që zot kishte paratë dhe gënjeshtrën e zhyti edhe më thellë në baltë PD-në, duke mbledhur njerëz si vetja e tij. Era që ka lënë ai në mjediset e PD-së është si era e plëncit të palarë mirë, do dekada të ikë nga zyrat tuaja. U duk se kundërrvolucioni në revolucion i dhjetorit 2021 dhe statuti i ri do të bënte edhe Europën e Amerikën të çuditeshin. “O Balo të hëngri tënja se e kishe të ligën brenda”.

Punët e PD-së shkuan zi e më zi. Ata që mblodhe rreth vetes janë si ti, të imitojnë ty, e bëjnë si ti. Në librin e Thimi Mitkos, “Bëleta Shqiptare,” këtu e 170 vjet përpara gjendet dhe ky proverb: “Nuk bëhet vreshti me urata po me kazma e lopata”. Ju dhe ata të listës së famshme që i ke zgjedhur me dorë janë të lumtur se do të bëjnë pallë nja katër vjet pastaj kismet. Ju Belindër, Joridra e të tjerë mos imitoni Flamurët e Tritanët. Po si more Belind të dërgoi Komandanti për lesh e ti erdhe i qethur dhe i rruar? Si nuk i the komandantit ç’është ky i pavarur në Tiranë, kur mua kryesia më ka dërguar (si Diogjeni dikur) të gjej ca kandidatë… Nejse. … Me konferenca nuk merret pushteti e as me llapa-llapa. Parlamentarët e PD-së pak nga pak po fillojnë të ngjajnë me zengjinenë d.m.th. estradë hesapi, mirëpo derri do plumb.

Mirë këto, po ç’borxh u kishin juve të Tiranës, demokratët e Vlorës, që ua diktuat sërish kandidatin, pavarësisht se edhe kryesia e Vlorës nuk bëzajti. Nga na e nxore këtë mollopupin Dioniz, që nuk e njeh as shkalla e pallatit, e nuk ka qenë kurrë demokrat veç një fluger si dikur ata në oborret e shkollave shtatëvjeçare prej teneqeje e kartoni.

Thonë që ka ardhur me rekomandim nga Europa, se atje ka një kushëri që është shok me këtë e atë… Hajde PD hajde! Kush e shiti e kush e bleu Dionizin!!?? Po demokratët e Vlorës, janë MAJA e dininjitetit, benikërisë, mençurisë dhe atdhetarisë! E kanë marrë disa herë në ballë për Berishën, por nuk do bëhen therror edhe për anonimët e Vlorës se ashtu ju do prapanica Flamurëve, Gazëve e Tritanëve.

Vlora nuk është e kuqe e as ka qenë ndonjëherë e kuqe. Por PD-ja në qendër e tradhtoi Vlorën qysh kur ua dorëzoi kollozëve e Patozëve dhe disa palaçove të tjerë.