LEXO PA REKLAMA!

SHKARKO APP

App Store
Google Play

E fundit!

x

Çfarë duhet të bëjmë kur na pickon grerëza

1 Korrik 2022, 22:55, Kuriozitete CNA
Çfarë duhet të bëjmë kur na pickon grerëza
Foto ilustruese

Pickimi i një grerëze mund të jetë diçka e padëmshme për shumë prej nesh, ashtu si mund të vendosë në rrezik jetët e shumë të tjerëve. Për t’u siguruar që asgjë e keqe nuk do t’ju ndodhë bëni mirë të dini ndihmën e shpejtë që jepet në kësi rastesh.

Nëse e dini që pickimi i grerëzës ju bën alergji duhet patjetër të merrni ndihmën e shpejtë.

Nëse ndjeni marramendje, gjuhën e fryrë, lëkurë të acaruar duhet të bëni një gjilpërë. Pickimi i një insekti mund t’ju marrë dhe jetën.

Hiqni thumbin

Grerëzat lënë pas pickimit dhe thumbin e tyre (në të shumtën e rasteve). Kini kujdes mos këpusni thumbin, por sigurohuni ta hiqni të gjithin me ndihmën e një pickatoreje.

Bëni kompresa të ftohta

Inflamacioni dhe ënjtja pas një pickimi janë të pashmangshme, por ato mund të minimizohen duke aplikuar diçka të ftohtë në zonën e prekur. Zgjedhja më e mirë do të ishte akull i mbështjellë në një copë, por nëse kjo nuk është e mundur, mund të përdorni çdo objekt metalik.

Trajtoni lëkurën ku grerëza ju ka pickuar

Lani lëkurën me sapun dhe më pas mund ta mbuloni zonën e pickuar me një pastë të formuar me sodë buke dhe ujë. Pasta e dhëmbëve dhe mjalti gjithashtu kanë veti qetësuese.

Merreni ilaçe

Analgjetikët dhe antihistaminet janë të domosdoshëm për lehtësimin e dhimbjeve dhe reduktimin e një reaksioni alergjik./CNA.al

Lajmet e fundit nga