LEXO PA REKLAMA!

SHKARKO APP

A jetojnë vërtet më gjatë njerëzit që kanë lindur në stinën e vjeshtës?

6 Shtator 2023, 20:59, Kuriozitete CNA

A jetojnë vërtet më gjatë njerëzit që kanë

Astrologët na thonë se muaji që kemi lindur, mund të ndikojë shumë tek ato që na ndodhin në jetë. Por a mund të ndikojë tek jetëgjatësia stina në të cilën lindim?

Sipas një studimi të vitit 2001 nga Instituti Maks Plank në Gjermani, i botuar në “Proceedings of the National Academy of Sciences” (PNAS) dhe një studimi të vitit 2011 nga Universiteti i Çikagos në SHBA, i botuar në “Journal of Aging Research”, një numër provash në rritje sugjerojnë se kjo mund të jetë e vërtetë.

Studimi i Plank zbuloi se njerëzit e lindur në Austri dhe Danimarkë gjatë stinës së vjeshtës, jetuan pak më gjatë se ata që kishin lindur në periudha të tjera të vitit. Më pas studimi mori në analizë njerëzit që jetojnë në Hemisferën Jugore - konkretisht në Australi - ku stinët janë të kundërt me ato në veri.

Rezultatet zbuluan se e vërtetë ishte e kundërta:njerëzit e lindur në muajt e vjeshtës të Hemisferës Jugore me kushte të ngjashme me pranverën, jetuan disi më pak se ato të lindur në pranverë - ose në atë që përkon me vjeshtën në atë pjesë të botës.

Ndërkohë, studimi i vitit 2012 i Universitetit të Çikagos, analizoi jetëgjatësinë e 1500 njerëzve të lindur në vjeshtë në fund të shekullit XIX, dhe zbuloi se rreth 40 për qind e tyre jetuan deri në 100 vite në krahasim me vëllezërit e motrat dhe bashkëshortët e tyre të lindur në periudha të tjera të vitit. Më e rëndësishmja:përfshirja e bashkëshortëve në studimin e Çikagos, verifikoi edhe ndikimin e faktorëve të tjerë të stilit të jetesës në raport me jetëgjatësinë, siç është varfëria.

Një rol mund të luajë ushqimi i nënës

Rezultatet nga studimet e Institutit Maks Plank dhe të Çikagos, mund të lidhen më pak me sezonin e lindjes së një fëmije, dhe më shumë me cilësinë e ushqimit të disponueshëm për një nënë gjatë shtatzanisë. Në fund të verës dhe në fillim të vjeshtës (e kundërta në Hemisferën Jugore), ka një bollëk frutash dhe perimesh të freskëta një nënë shtatzënë.

Sezonaliteti mund të ndikojë gjithashtu edhe tek gjasat që një nënë të përjetojë një infeksion ose komplikime të tjera shëndetësore gjatë shtatzënisë, si dhe mundësitë që fëmija të përjetojë diçka të ngjashme pas lindjes, duke ndikuar tek shëndeti dhe mirëqenia e tyre më vonë gjatë jetës.

Por nëse një fëmijë ka lindur në vjeshtë apo një grua po planifikon kohën më të mirë për të mbetur shtatzënë, profesori i shëndetit publik në Universitetin e Illinois në Çikago, S. Olshanski thotë se kjo vlen për popullsinë, dhe jo për individët në veçanti. Për një individ, muaji i lindjes do të jetë kryesisht i parëndësishëm.

Ajo që ka vërtetë rëndësi është mënyra e jetesës dhe gjenetika e trashëguar. Por Leonid Garilov i Qendrës Kombëtare të Kërkimit të Opinionit në Universitetin e Çikagos, dhe autori i parë i studimit të “Journal of Aging Research”, nuk është dakord me këtë qëndrim. “Gjetjet e këtij studimi e mbështesin idenë e programimit të moshës së hershme të plakjes dhe jetëgjatësisë njerëzore”- thotë ai.

Tek jetëgjatësia mund të ndikojë edhe rëndi i lindjes

Muaji kur lind një fëmijë, nuk është i vetmi faktor që duket se ndikon në jetëgjatësinë e tij. Universiteti i Çikagos zbuloi gjithashtu se fëmijët e parëlindur të të dyja gjinive, kishin më shumë gjasa të festonin ditëlindjen e 100-të. Shpjegimet e mundshme përfshijnë shëndetin e përgjithshëm më të mirë të prindërve më të rinj, si dhe vëmendjen që i kushtohet të porsalindurit në krahasim me fëmijët e lindur më vonë, përmirësimin e zhvillimit social, emocional dhe mendor.

Sipas studiuesit Leonid A.Gavrilov, gjetjet mbi fëmijët e parëlindur nuk janë të reja. “Ka shumë vëzhgime se fëmijët e parëlindur kanë një avantazh si në gjendjen shëndetësore ashtu edhe në arritjet akademike”- thotë ai. Por nga mjekësia moderne dhe deri te disponueshmëria e ushqimeve më me vlera gjatë gjithë vitit në disa zona, mbetet për t‘u parë se si muaji i lindjes dhe rendi i lindjes, do të ndikojnë mbi jetëgjatësinë e fëmijëve në të ardhmen./ Përkthyer dhe përshtatur nga CNA

Lajmet e fundit nga