E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Për një shëndet mendor, 5 zakone që duhet t'i ruajmë edhe pas pushimeve

30 Gusht 2023, 22:30, Kuriozitete CNA

Për një shëndet mendor, 5 zakone që duhet t'i

Pushimet janë gjithmonë një kohë ideale për të rikuperuar veten, për t'u fokusuar në atë që është e rëndësishme dhe për t'u çlodhur nga rryma e përditshmërisë.

Duke ndryshuar rutinën tonë për disa ditë, ne zakonisht kthehemi të rifreskuar dhe më të gatshëm për të përballuar çdo sfidë, ndaj është e rëndësishme të mbajmë disa nga zakonet tona të pushimeve kur të kthehemi në përditshmëri.

E vërteta është se ne jemi krijesa të zakonit dhe rutinës, dhe ndryshimet që janë jashtë të zakonshmes na shqetësojnë. Megjithatë, duhet të mësohemi me disa ndryshime që mund të na bëjnë më të qetë e më të lumtur.

Më poshtë po rendisim 5 zakonet që zakonisht i përvetësojmë në pushime, por që do të ndihmonin shumë për të gjetur qetësi edhe në jetën e përditshme.

Lijini njoftimet në heshtje

Mund të mos jetë e përshtatshme për shkak të punës, por të paktën disa ditë në javë ose në fundjavë është e rëndësishme të shkëputeni nga bota digjitale dhe nga telefoni. Kushtojini kohë ekskluzivisht vetes dhe atyre që ju rrethojnë dhe shijoni momentet, pa u informuar vazhdimisht për atë që ndodh jashtë jush.

Buzëqeshni më shumë

Shumë herë gabojmë kur kthehemi në rutinën tonë me humor të keq. Do të ishte shumë bukur të fillonim menjëherë të mendonim pozitivisht pas pushimit tonë, për të qenë më optimistë dhe sigurisht për të buzëqeshur më shumë.

Lexoni libra

Përpiquni të mbushni kohën tuaj duke lexuar libra. Do ishjte ideale të mos ishin online. Hulumtimet tregojnë se ata që lexojnë rreth 3 orë në javë kanë 17% më pak gjasa të humbin jetën para kohe dhe kjo për shkak se leximi prodhon dopaminë.

Bëjini gjërat një nga një

Megjithëse kryerja e shumë detyrave për shumë është një virtyt, është e rëndësishme që t’i programoni ato. Fillimisht për të reduktuar stresin dhe më vonë që të shijoni momentin dhe të mos jetoni vazhdimisht me pyetjen 'çfarë do të bëj më pas?'.

Hani mëngjes

Mëngjesi është vakti më i rëndësishëm i ditës, megjithatë ne shpesh e anashkalojmë atë. Teksa e shijojmë pushimet, është mirë ta bëjmë rutinë ngrënien e mëngjesit, duke siguruar që të kemi energji dhe forcë për gjithë ditën./ CNA