LEXO PA REKLAMA!

SHKARKO APP

Pse çiftet në Japoni nuk thonë "Të dua"

18 Gusht 2023, 22:53, Kuriozitete CNA

Pse çiftet në Japoni nuk thonë "Të dua"

Tokio mund t'i ketë dhënë botës disa nga fotot më romantike, me çifte që pozojnë përballë luleve të pafundme të qershisë çdo pranverë, por japonezët nuk e thonë frazën romantike "Të dua".

Sipas një sondazhi, vetëm 45% e meshkujve në të 20-at dhe 30-at e kanë thënë të paktën një herë në jetë fjalën “Të dua”. Sa i përket moshatareve të tyre femra, 64% preferojnë fjalën “Suki” (Më pëlqen) në vend të fjalës “Aishiteru” (Të dua) kur shprehin ndjenjat ndaj partnerit të tyre.

Kjo është edhe një nga arsyet se kur bashkëshorti i Princeshës Mako, Kei Komuro i tha "Të dua" në publik në vitin 2021, shumica e japonezëve e panë gjestin si të çuditshëm dhe melodramatik.

Por pse japonezët shmangin të thonë "Të dua"?

1. Preferojnë të shprehen në mënyrë indirekte. Ata besojnë se bukuria e gjuhës qëndron në atë që nënkuptohet. Kjo është arsyeja pse edhe pas një takimi të dështuar ata mund të dërgojnë një mesazh si "Do të shihemi përsëri një herë" në vend që të refuzojnë drejtpërdrejt personin tjetër. E njëjta gjë vlen edhe për shprehjet e dashurisë. Për shembull, në vend që të bëjë një propozim të qartë martese, një burrë japonez mund t'i kërkojë të dashurës së tij t'i gatuajë supë miso çdo ditë.

2. Ata besojnë se nëse ka kimi të mirë mes dy njerëzve, fjalët janë të panevojshme. Ata mendojnë se një çift vërtetë i lumtur, mund të lexojë mendjen e tjetrit dhe të kuptojë ndjenjat pa u shprehur qartë.

3. Fjala "dashuri" nuk ka të njëjtën peshë në fjalorin japonez. Për një japonez do të ishte e tepërt të përdorësh fjalën përkatëse për dashuri.

Lajmet e fundit nga