web counter
LEXO PA REKLAMA!

SHKARKO APP

App Store
Google Play

E fundit!

x

Foto - Ujëvara e Sotirës, “Niagara” e Shqipërisë

5 Gusht 2024, 22:29, Kulturë CNA
Foto - Ujëvara e Sotirës, “Niagara” e Shqipërisë
Ujëvara e Sotirës, foto e marrë nga Google

Vetëm 16 kilometra larg qytetit të Gramshit ndodhet Ujëvara e Sotirës, një nga ujëvarat më të bukura të Shqipërisë, e cila gjendet në rrëzë të Malit të Tomorrit. 

3 burimet që depërtojnë malin nga lartësi të ndryshme (20-100 m) krijojnë pamje të mrekullueshme. Uji që bie prej saj formon lumin.

Ky kompozim i paparë i elementëve si uji, shkëmbinjtë dhe bimët, japin gjithçka ju duhet për qetësinë tuaj mendore dhe shpirtërore.

Kjo ujëvarë, e cilësuar edhe si “Niagara” e Shqipërisë e ka marrë emrin Sotirë nga fshati ku edhe ndodhet ujëvara.

Bota bimore rreth ujëvarës është tepër e pasur, me pemë bliri, lofate, frashëri, lisi e deri edhe te gështenja e egër që është e rrallë në gjendje të egër.

Ka një bukuri mahnitëse që tërheq shumë vizitorë nga Shqipëria, por edhe turistë të huaj që janë adhurues të natyrës.

Turistët mund të planifikojnë një piknik në lëndinën buzë ujëvarës së Sotirës, mes natyrës së paprekur nga dora e njeriut dhe zhurmës karakteristike të ujit.

Gjithashtu, kjo zonë ofron edhe mundësi për zhvillimin e aktiviteteve si kampingu.

Megjithatë, shpesh është denoncuar mungesa e infrastrukturës për të shkuar në Ujëvarën e Sotirës./ CNA





Lajmet e fundit nga