web counter
LEXO PA REKLAMA!

SHKARKO APP

App Store
Google Play

Vodhi para nga një automjet/ Pezullohet nga detyra efektivi në Shkodër

1 Qershor 2023, 20:48, Kronika CNA

Vodhi para nga një automjet/ Pezullohet nga detyra efektivi në

Në rrjet ka qarkulluar një video e një efektivi policie, i cili shfaqej teksa vidhte para nga një automjet në një lavazh.

Për këtë video ka reaguar Drejtori i Drejtorisë Vendore të Policisë Shkodër. Ai ka bërë me dije se punonjësi i Policisë, nënkomisari me iniciale Sh.Gj., është pezulluar menjëherë nga detyra.

Gjithashtu Drejtoria e Standarteve Profesionale në Drejtorinë e Përgjithshme të Policisë së Shtetit ka nisur hetimin disiplinor ndaj nënkomisarit Sh.Gj.

"Në lidhje me një video të publikuar në portalin JOQ në të cilën shfaqet një punonjës policie në shkelje të procedurave standarte të punës, ju sqarojmë se: Drejtori i Drejtorisë Vendore të Policisë Shkodër ka pezulluar menjëherë nga detyra punonjësin e Policisë nënkomisar Sh. Gj., me detyrë specialist i Policisë së Rendit në Komisariatin e Policisë Shkodër, si dhe është njoftuar edhe AMP në lidhje me rastin.

Ndërkohë Drejtoria e Standarteve Profesionale në Drejtorinë e Përgjithshme të Policisë së Shtetit ka nisur hetimin disiplinor për shkelje të rëndë. Policia e Shtetit siguron qytetarët se është e vendosur për të mos toleruar asnjë rast të abuzimit me detyrën apo të cenimit të imazhit të Policisë dhe të besimit të qytetarëve të Policia e Shtetit", thuhet në njoftimin e AMP-së./ CNA.al





Lajmet e fundit nga