LEXO PA REKLAMA!

SHKARKO APP

Zbulohet skema e mashtrimit/ Ish-punonjësja e Kuvendit mori 340 mijë euro për të mbyllur një çështje gjyqësore

31 Maj 2023, 22:48, Kronika CNA

Zbulohet skema e mashtrimit/ Ish-punonjësja e Kuvendit mori 340 mijë

Milena Deraj është 29 vjeçarja nga Vlora që banon në Tiranë dhe që u arrestua rreth një javë më parë për mashtrim.

Deraj, e cila ka qenë punonjëse në Bankën e Shqipërisë dhe në Kuvend, mori 340 mijë euro për t’u mbyllur çështjen gjyqësore të një familjeje në Shkodër që kërkonte të shpëtonte të afërmit e tyre nga dënimi i përjetshëm.

Ajo që e bën edhe më intriguese të gjithë vënien në skenë të mashtrimit, janë vetë personazhet e njohur të përfshirë në të, por edhe vetë historia se si Milena Deraj u përfshi në këtë ngjarje.

Sipas dosjes hetimore të publikuar në emisionin “Në shënjestër”, skema e mashtrimit nisi në fund të vitit 2021.

Deraj u kontaktua nga një mikeshë e saj, që e prezantoi me Afërdita Ferracakun për ngjarjen e ndodhur në orët e para të mëngjesit të datës 27 qershor 2021, në fshatin Pulaj, në plazhin e Velipojës.

Në 2021 pati përplasje për shezlongët midis familjes Ferracaku dhe familjes Gocaj dhe mbetën të vrarë shtetasit Kujtim Ferracaku, vëllezërit Xhovani, Edmond Gocaj dhe kamerieri i hotelit Musaein Zeneli.

Për këtë ngjarje po hetohen Shyqyri dhe Abedin Ferracaku, të cilët rrezikojnë dënimin me burgim të përjetshëm.

Këto dy të fundit janë personat për të cilët Milena Deraj mori para, me qëllim që t’i nxirrte nga burgu. Kjo skemë u zbulua nga policia dhe tashmë ish-punonjësja e Kuvendit do të përballet me drejtësinë./ CNA.al

Lajmet e fundit nga