LEXO PA REKLAMA!

SHKARKO APP

App Store
Google Play

U filmua duke dhunuar fëmijën/ 22-vjeçarja procedohet në gjendje të lirë, zbulohet arsyeja

30 Maj 2023, 10:20, Kronika CNA
U filmua duke dhunuar fëmijën/ 22-vjeçarja procedohet në

Policia ka proceduar në gjendje të lirë shtetasen K.A, 22 vjeçe, e cila u ndalua pasi u filmua duke dhunuar fëmijën e saj 3-vjeçar.

Policia ka vendosur nën hetim 22-vjeçaren pasi është nënë e një foshnje 6 muajshe.  

“Si rezultat i punës hetimore dhe veprimeve verifikuese në terren, për një rast të publikuar në rrjete sociale, më datë 16.05.2023, ku shfaqet një shtetase që dhunon një fëmijë të mitur, specialistët për Hetimin e Krimeve të Komisariatit të Policisë Durrës, në bashkëpunim me specialistët për Hetimin e Krimeve të Komisariatit të Policisë Peqin, kanë bërë të mundur identifikimin e shtetases K. A., 22 vjeçe, banuese në Peqin, por që lëviz vazhdimisht në qytete të ndryshme.

Në momentin e lokalizimit dhe shoqërimit, shtetasja K. A. ka qenë me foshnjen e saj 6-muajshe dhe me fëmijën e mitur 3 vjeçe (që shfaqet duke dhunuar në video).

Shtetasja K. A. është pyetur në prani të Shërbimit Social Durrës dhe psikologes së DVP Durrës dhe pas konsultimit me prokurorin, u vendos se duke qenë me foshnjen 6-muajshe, 22-vjeçarja të procedohet në gjendje të lirë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Keqtrajtimi i të miturve”.

Policia e Durrësit falenderon median që denoncon rastet e paligjshmërive dhe e fton atë që të vijojë bashkëpunimin me strukturat e Policisë, për nxjerrjen përpara përgjegjësisë penale të autorëve të rasteve të paligjshmërive që ata ndeshin gjatë punës së tyre”, njofton policia./ CNA.al

Lajmet e fundit nga