LEXO PA REKLAMA!

SHKARKO APP

E dehur në timon dhe pa leje drejtimi/ 22-vjeçarja i “shpëton” policisë, por aksidentohet

28 Maj 2023, 11:52, Kronika CNA

E dehur në timon dhe pa leje drejtimi/ 22-vjeçarja i

Mbrëmjen e së shtunës S. D., 22 vjeçe, është ndaluar nga policia pasi është konstatuar duke drejtuar automjetin pa leje drejtimi dhe në gjendje të dehur.

Por, 22-vjeçarja nuk i është bindur urdhrit të policisë për të ndaluar dhe ka vazhduar lëvizjen.

Më pas ajo ka humbur kontrollin e mjetit dhe është aksidentuar. Si pasojë e aksidentit është dëmtuar pasagjeri E. Q., 25 vjeç, i cili ndodhet jashtë rrezikut për jetën.

“S. D., 22 vjeçe, banuese në Tiranë, pasi me datë 27.05.2023, rreth orës 23:50, është konstatuar nga shërbimet e Policisë, duke drejtuar automjetin pa leje drejtimi dhe në gjendje të dehur. 22-vjeçarja nuk i është bindur urdhrave të shërbimeve të Policisë për të ndaluar por ka vazhduar lëvizjen dhe në rrugën "Konferenca e Pezës", ka humbur kontrollin mbi drejtimin e automjetit dhe automjeti ka dalë nga rruga. Si pasojë janë dëmtuar drejtuesja e mjetit dhe pasagjeri që ndodhej me të, shtetasi E. Q., 25 vjeç, të cilët ndodhen jashtë rrezikut për jetën”, shkruhet në njoftimin e policisë./CNA.al

Lajmet e fundit nga