LEXO PA REKLAMA!

SHKARKO APP

App Store
Google Play

E fundit!

x

Dëshmia e Luftar Reçit/ Kush është malazezi që përgatiti bombën për vrasjen e Vajdin Lamajt

30 Maj 2023, 09:47, Kronika CNA

Dëshmia e Luftar Reçit/ Kush është malazezi që

Pas dëshmisë së Luftar Reçit për vrasjen e Vajdin Lamajt, GJKKO ka kërkuar ndihmë nga shteti fqinj Mali i Zi.

GJKKO ka kërkuar marrjen në pyetje të Joshko Çervenkovski, personi që sipas Reçit ka përgatitur bombën me të cilën u vra biznesmeni në vitin 2005.

Ky vendim është bërë me dije në seancën e së hënës ku nën akuzë është banda e Durrësit.

Para togave të zeza u paraqitën 5 dëshmitarë, për të folur mbi atentatin që iu bë Klodian Saliut, ngjarje e ndodhur vetëm një ditë para vrasjes së Lamajt, për të cilën akuzohet i njëjti grupim.

Mes tyre ishte dhe nëna e Osman Trumës, personit që udhëtonte në makinë me Klodian Saliun në momentin kur iu bë atentat.

Nëna e Osman Trumës: Në 2005, djali im kishte ardhur për pak ditë pushime në Shqipëri. Me Klodian Saliun ishin shokë fëmijërie të një lagjeje. Kam folur me të çdo ditë në telefon, dhe gjithçka shkonte mirë. Por një ditë mësojmë se kishte mbetur i plagosur gjatë një atentati në autostradën Durrës-Tiranë. 

Me ç’më ka rrëfyer djali që dola dhe e prita në aeroportin e Romës, nuk i ka njohur autorët. Fillimisht janë qëlluar nga mbrapa dhe më pas anash. Një çift në moshë kanë ndaluar dhe iu kanë dhënë ndihmën e parë, më pas ka mbërritur ambulanca”.

Pjesë e dëshmisë u bë edhe motra e Lulzim Berishës e cila tregoi mbi aktivitetin e vëllait të saj dhe rrethanave të ditës kur ndodhi ngjarja.

Ajo është shprehur se i vëllai në dy datat kur kanë ndodhur ngjarjet ishte në Turqi për kurim së bashku me një shokun e tij.

Lajmet e fundit nga