LEXO PA REKLAMA!

SHKARKO APP

Po pinin alkool në një lokal/ Zbulohen detajet e plagosjes me armë në Burrel

1 Qershor 2023, 08:47, Kronika CNA

Po pinin alkool në një lokal/ Zbulohen detajet e plagosjes me

Policia ka zbardhur detaje nga ngjarja në Burrel, ku është plagosur shtetasi A.D, 39 vjeç.

Sipas njoftimit, B.K dhe A.D kanë qenë duke pirë në një lokal, ku pasi kanë dalë nga ambienti janë konfliktuar për motive të dobëta.

B.K e ka plagosur me armë zjarri 39-vjeçarin, i cili në orët e para të mëngjesit është paraqitur në spital për të marrë mjekimin e duhur.

Shërbimet e Komisariatit të Policisë Mat, rreth orës 04.30, kanë marrë njoftim se një shtetas kishte shkuar në spital për ndihmë mjekësore, i plagosur me armë zjarri, menjëherë kanë organizuar punën për zbardhjen e rrethanave të ngjarjes, identifikimin dhe kapjen e autorit. Falë veprimeve të shpejta është bërë e mundur identifkimi i autorit të dyshuar, shtetasi B.K., 38 vjeç, banues në Burrel, ku vijon puna për kapjen e tij.

Nga veprimet e para hetimore dyshohet se këto dy shtetas kanë qenë në një lokal duke konsumuar alkool dhe pasi kanë dalë nga lokali, janë konfliktuar për motive të dobëta dhe shtetasi B.K., ka plagosur me armë zjarri pistoletë shtetasin A.D, 39 vjeç, i cili ndodhet në spital jashtë rrezikut për jetën. Shërbimet e Policisë së Matit në bashkëpunim me strukturat hetimore të DVP Dibër, kanë shoqëruar në Komisariat 8 persona që dyshohet se kanë dijeni për rrethanat e ngjarjes. Grupi hetimor nën drejtimin e Prokurorisë vijon veprimet në vendnngjarje me qëllim zbardhjen dhe dokumentin e plotë të rrethanave të ngjarjes”, njofton policia./ CNA.al

 

Lajmet e fundit nga